MOLAOKAKANYWA WA TŠWETŠOPELE YA METHOPO YA DIMINERALE LE PETROLEAMO
Bjalo ka ge di tsebišitšwe ka go Phuthego ya Bosetšhaba bjalo ka Molaokakanywa wa karolo 75; khopi ya Molaokakanywa e gatišitšwe ka gare ga Kuranta ya Mmušo ya Nomoro ya bo ???? ya ???? 2002
Sengwalwa sa Seisimane sa Molaokakanywa ke sengwalwa sa semmušo
TONA YA DIMINERALE LE ENETŠI
MOLAOKAKANYWA
Go kgonegiša tšwelopele yeo e lekalekanago le yeo e sa felego ya methopo ya setšhaba ya Diminerale le petroleamo ; le go kgonegiša merero yeo e amanago le tšona.
KETAPELE
GO LEMOGA gore Diminerale le petroleamo ke methopo ya setšhaba yeo e sa mpšhafatšegego;
GO AMOGELA gore methopo ya Diminerale le petroleamo ya Afrika Borwa ke ya setšhaba le gore Mmušo wa Bosetšhaba ke mohlokomedi wa yona;
GO NETEFATŠA boikgafo bja Mmušo go šireletša tikologo gore meloko ya bjale le ya išago e holege; go netefatša tšwelopele ya ikholotši ya methopo ya dimerale le petroleamo yeo e sa felego go godiša tšwelopele ya ikonomi le ya kagišano;
GO LEMOGA tlhokego ya go godiša tšwetšopele ya gae le ya metsemagaeng le hlahlošo ya phedišano ya setšhaba seo se angwago ke meepo;
GO NETEFATŠWA ka leswa boikgafo bja Mmušo go fetoga go tliša go kgona go humana methopo ya Diminerale le petroleamo ;
GO TŠEELWA hlogong boikgafo bja Mmušo ka fase ga Molaotshepetšo go tšea magato a melaotlhakwa go lokiša dipoelo tša kgethollo ya semorafe tša pele;
GO IKGAFELA go fediša mehuta kamoka ya mekgwa ya kgethollo ka go intasteri ya Diminerale le ya petroleamo ;
GO NETEFATŠWA KA LESWA boikgafo bja Mmušo go tiiša polokego ya tshwaro ya naga mabapi le go nyaka diepšane le ditshepedišo tša meepo; le
GO GATELELA tlhokego ya go hlola mmušo woo o bapetšegago boditšhabatšhabeng le woo o nago le ditshepedišo tšeo di kgontšhago le tša go ba le melao;
KA LEBAKA LEO PALAMENTE YA Repabliki ya Afrika Borwa E BEA MOLAO ka mokgwa wo o latelago: -
PEAKANYO YA MOLAO
KGAOLO 1
DITLHALOŠO
Ditlhalošo
KGAOLO 2
METHEO YE BOHLOKWA
Dinepo tša Molao
Go lotwa ga methopo ya setšhaba ya diminerale
Phetolelo ya Molao
Tlhago ya tokelo ya go nyaka diepšane goba tokelo ya go epa le mong wa tšona
Metheo le toka ya tshepetšo
KGAOLO 3
TSHEPETŠO
Kgaoganyo ya Repabliki, meetse a nagadilete le karaganyo ya kontinente ka dilete
Go bewa ga le mešomo ya mohlankedi
KGAOLO 4
TAOLO YA DIMINERALE LE TIKOLOGO
Tatelano ya go išwa pele ga dikgopelo
Therišano le makoko ao a amegago le ao a nago le kgahlego
Go šuthišetšega le mathata ga ditokelo tša go nyaka diepšane le ditokelo tša go epa
Thušo go batho bao ba bilego madimabe ka baka la kgethollo
Kgopelo ya tokelo ya go nyaka diepšane
Go fa le lebaka la tokelo ya go nyaka diepšane
Kgopelo ya mpšhafatšo ya tokelo ya go nyaka diepšane
Ditokelo le ditlamo tša mong wa tokelo ya go nyaka diepšane
Tumelelo ya go tloša le go lahla diminerale
Kgopelo ya tokelo ya go epa
Go fiwa le lebaka la tokelo ya go epa
Kgopelo ya mpšhafatšo ya tokelo ya go epa
Ditokelo le boikgafo bja mong wa tokelo ya go epa
Mehola ya diminerale
Kgopelo ya, go fiwa le lebaka la phemiti ya moepo
Tshedimošo le data mabapi le go epa goba go išwa pele ga diminerale
Maatla a tona go lebiša dineo tša tshedimošo yeo e itšego goba data
Kutollo ya tshedimošo
Kgopelo ya phemiti ya tshwaro
Go fiwa le lebaka la phemiti ya tshwaro
Kgano ya kgopelo ya phemiti ya tshwaro
Mpšhafatšo ya phemiti ya tshwaro
Ditokelo le boikgafo bja mong wa phemiti ya tshwaro
Phemiti ya tshwaro ga e šuthišetšwe
Metheo ya taolo ya tikologo
Maikarabelo le taolo ya tikologo tšeo di kopantšwego go phekola
Lenaneo la taolo ya tikologo
Therišano le dikgoro tša mmušo
Kgonegišo ya tša ditšhelete go lokiša tshenyo ya tikologo
Taolo ya mekgobo ya mekgobo ya mašaledi le mogogolwa wa mašaledi
Setifikeiti sa tokollo
Go tlošwa ga meago, dipopego wa le dilo tše dingwe
Maatla a Tona go tlosa ditshenyegelo ge go ena le magato a tšhoganyetšo a phekolo
Maatla a Tona go lokiša tshenyego ya tikologo mabakeng a mangwe
Maatla a Tona go fega goba go fediša tokelo ya go nyaka diepšane, tokelo ya go epa, phemiti ya go epa goba phemiti ya tshwaro
Kgaoletšo goba kganetšo ya go nyaka diepšane le go epa nageng yeo e itšego
Maatla a Tona go ganetša goba go beamapheko ago dira e diteko nyakišišo goba go epa
Tona e ka no fatišiša ditiragalo, tlhago goba bontši bja methopo ya diminerale
Go epša methopo ya diminerale ka tlhokomelo
Tsebišo ya dipoelo le phokotšo ya mediro ya go epa yeo e amago bašomi
Tšhomišo ya ditokelo tša bogodimo bja lefase kgahlanong le maikemišetšo a Molao
Hlatswadiatla yeo e lefelwago ka tlase ga mabaka a itšeng
Maatla a Tona go tšea thoto mabakeng a go dira diteko nyakišišo goba go epa
Tlhamo ya Lekgotla la Diminerale le Tšwetšopele ya go Epa
KGAOLO 5
LEKGOTLA LA DIMINERALE LE TŠWETŠOPELE YA GO EPA
Mošomo wa Lekgotla
Sebopego sa Lekgotla
Go kgaolwa ga maloko
Go tlogela kantoro
Lebaka la kantoro le go tlatša dikgoba
Dikopano tša Lekgotla
Dikomiti tša Lekgotla
Go tlabela Lekgotla ka Ditšhelete
Tefelo ya maloko a Lekgotla, dikomiti le dihlopha tša mošomo
Dipego tša Lekgotla
Mešomo ya taolo
KGAOLO 6
DITEKO NYAKIŠIŠO LE TSWELETŠO YA PETROLEAMO
Mešomo ya Lekalatiro la Petroleamo
Tlabelo ya tša ditšhelete ya Lekalatiro la Petroleamo
Hlohleletšo ya dikgopelo
Kgopelo ya tumelelo ya dinyakišišo
Go fana ka le lebaka la tumelelo ya diteko nyakišišo
Kgopelo ya tumelelo ya tšhomišanommogo ya seteginiki
Go fana ka le lebaka la tumelelo ya tšhomišanommogo ya seteginiki
Ditokelo le maswanedi a mong tumelelo ya dinyakišišo tša tšhomišanommogo ya seteginiki
Kgopelo ya tokelo ya diteko nyakišišo (tokelo ya hlohlomiso)
Go fana ka le lebaka la tumelelo ya tokelo ya diteko nyakišišo (tokelo ya hlolomiso)
Kgopelo ya mpshafatšo ya tokelo ya diteko nyakišišo
Ditokelo le maswanedi a mong tokelo ya diteko nyakišišo
Kgopelo ya tokelo ya tšweletšo
Go fana ka le lebaka la tokelo ya tšweletšo
Kgopelo ya mpshafatšo ya tokelo ya tšweletšo
Ditokelo le maswanedi a mong tokelo ya tšweletšo
Tšhomišo ya mafelo a diteko nyakišišo le a tšweletšo
Tšhireletšego ya ditšhelete
Maatla a Tona go fega le go phumula ditumelelo le ditokelo
KGAOLO 7
DIKGONAGATŠO TŠA KAKARETŠO LE TŠE DINGWE
Maatla a go tsena lefelong la diteko nyakišišo, lefelong la go epa goba lefelo leo le swerwego
Ditaelo, phetho le melao
Thibelo ya go šitiša motho yo a filwego maatla
Thibelo ya go hlolela mošomi bothata mošomong wa gagwe
Tshepetšo ya tshekoleswa ya ka gare
Go tlišetšwa ditokomane
Melato
Dikotlo
Kagoleswa ya diminerale le intaseteri ya meepo
Thwalo ya beng dikontraka
Go fa maatla a mošomo le mošomo
Tokollo ditaelong tše dingwe tša Molao wo
Taetšo ya dikgonthe
Molao o tlama mmušo
Go fedišwa le go fetošwa ga melao le ditokišetšo tša phetišetšo
Hlogo ye kopana le go thoma
MELAO YEO E FEDIŠITŠWEGO
PEAKANYO YA LEBAKA LA PHETOGELO
Ditlhalošo
Maikemišetšo a Lenaneotshepetšo
Tšwetšopele ya dikgopelo tšeo di sa emego tša diteko nyakišišo le go epa
Tšwetšopele ya mešomo ya petroleamo
Tšwetšopele ya tokelo ya diteko nyakišišo ya peakanyo ya kgale
Tšwetšopele ya tokelo ya tshepedišo ya kgale ya go epa
Tshepedišo ya ditokelo tša peakanyo ya kgale yeo e sa šomišwego
Tšwetšopele ya peeletšo, tumelelo le ditokelo tše dingwe
Porokerama ya lenaneo le le dumeletšwego la taolo ya tikologo
Mediro ye mengwe ya Molaodi: Tšwetšopele ya Diminerale yeo e swanetšego go dirwa ke Molaodi wa Selete goba Tona
KGAOLO 1
MATSENO
Ditlhalošo
Ka Molaong wo, ka ntle le ge go bontšha gore go hlalošwa ka mokgwa wo mongwe—
poloko" e hlaloša sekgoba sefe goba sefe sa naga goba sa lewatle, go tsenywa malao a lewatle, ao a šupšwago e le poloko ke dikgokaganyo ka gare ga mmapa tšeo di lokišitšwego ke Lekalatirelo la Petroleamo gomme yona kamoka goba karolo ya yona e le ka Repabliking gomme e tsenya karolo efe goba efe ya poloko ye bjalo;
lekgotla" le hlaloša Lekgotla la Tšwetšopele ya Diminerale le Meepo leo le hlomilwego go ya ka karolo 56;
Mohlahlobimogolo" e hlaloša Mohlahlobimogolo yoo a beilwego go ya ka karolo ya bo 48 ya Molao wa Maphelo le Polokego ya Meepo, 1996 (Molao wa Nomoro ya 29 wa 1996);
setšhaba" se hlaloša sehlopha seo se phedišanago seo se kopanego sa batho ba go ba le ditokelo goba dikgahlego ka go karolo ya naga yeo e itšego yeo leloko le nago le yona goba yeo e šomišwago mmogo go ya ka kwano, tlwaelo goba molao;
letšatši" e hlaloša letšatši la khalentara le gore palo efe goba efe ya matšatši e beetšwe neng gore go dirwe tiro, matšatši ao a tla tšewa ka go balela pele gomme a tsenya tšatši la mafelelo, ka ntle le ge letšatši la mafelelo e le Mokibelo. Lamorena goba tšatši lefe goba lefe la boikhutšo bja setšhaba, gomme lebakeng le bjalo palo ya matšatši e tla lemogwa ka go tlogela tšatši la pele gape le Mokibelo ofe goba ofe wo bjalo, Lamorena goba tšatši la maikhutšo a setšhaba;
Kgoro" e hlaloša Kgoro ya Diminerale le Enetši;
lenaneo la tšwetšopele" e hlaloša lenaneo la tšwetšopele leo le dumeletšwego ka fase ga dikwano le ditlamo tša tumelelo ya tšweletšo;
Molaodikakaretšo" e hlaloša Molaodikakaretšo wa Kgoro;
mothwalwa" e šupa motho ofe goba ofe yoo a šomelago mong wa tokelo ya go nyaka diepšane, tokelo ya go epa, phemiti ya go epa goba phemiti ya tshwaro le yoo a nago le tokelo ya go humana moputso, empa ga e tsenye rakontraka yoo a ikemetšego ka noši, moeletši wa profešenale goba lekalatirelo la mong yo bjalo;
tikologo" e hlaloša tikologo bjalo ka ge e hlalošitšwe ka go Molao wa Bosetšhaba wa Taolo ya Tikologo, 1998 (Molao wa Nomoro ya 107 wa 1998);
lenaneo la taolo ya tikologo" le hlaloša lenaneo la taolo ya tikologo leo le dumeletšwego leo le akantšwego ka go karolo 39;
molao wa tlogelo" e hlaloša tiro efe goba efe yeo e paledišago goba e thibelago motho go tsenela goba go oketša ka intastering ya Diminerale goba ya meepo goba mmaraka;
tokelo ya hlohlomišo" e hlaloša tokelo yeo e filwego go ya ka karolo 95;
lefelo la hlohlomišo" e hlaloša lefelo leo le nago le poloko goba dipoloko tšeo di hlalošitswego ka go tokelo ya hlohlomišo goba ya tšweletšo;
tshepetšo ya hlohlomišo" e šupa go išwa pele ka leswa ga data ya seisimiki yeo e lego gona, go kgoboketšwa le go išwa pele ga data ye mpšha goba tiro efe goba efe yeo e amanago go hlaloša molaba woo o yo lekwago ka go bora, go sega dikgwa le go leka, go tsenywa go leka go katološitšwego, ga petse ka maikemišetšo a go humana lefelo;
lenaneo la mošomo la go nyaka" e šupa lenaneo la mošomo wa go nyaka leo le dumeletšwego leo le bontšhago ditshepetšo tša petroleamo tšeo di yo dirwago lefelong la go hlohlomiša ka nako yeo tokelo ya hlohlomišo e somago, go tsenywa dintlha tša mabapi le ditiro tša hlohlomišo, dikgato, didirišwa tšeo di yo šomišwago le ditshenyegelo tšeo di akantšwego tša ditiro tša go fapana tša hlohlomišo le dikgato;
karanti ya tša ditšhelete" e hlaloša netefatšo yeo bakgopedi ba, goba bang ba tokelo ya go nyaka ba swanetšego go e fa Lekalatirelo ka Petroleamo go ya ka ka karolo ya 84 ya go netefatšwa ditšhelete tšeo di lekanego go sepetša lenaneo la mošomo leo go kwanwego ka lona le go tšošološa mafelo a go nyaka le a tšweletšo;
kgonegišo ya ditšhelete" e šupa kgonegišo ya ditšhelete yeo e akantšwego ka go karolo 38;
motho yoo a nago le histori ya go se holege" e šupa –
a motho ofe goba ofe goba khatekori ya batho bao ba sa holegego ka baka la kgethollo pele ga ge Molaotheo o thoma go šoma;
b mokgatlo ofe goba ofe, woo bontši bja maloko a wona e lego batho bao ba akantšwego ka go temana a;
c motho ofe goba ofe yoo a nago le taolelo ntle le mokgatlo, le batho bao ba akantšwego ka go temana a bao ba nago le ebile ba laola bontšhi bja tšhelete; goba tswalo ya leloko gomme ba kgona go laola bontši bja diboutu tša gona;
mong" mabapi le tokelo ya go nyaka diepšane, phemiti ya go epa, phemiti ya tshwaro, tokelo ya tšweletšo, phemiti ya hlohlomišo ya lefelo goba phemiti ya tšhomišano ya theknikale, e šupa motho yoo a filwego phemiti ye bjalo motho yoo thaetlele ya gagwe e latelago ya motho yo bjalo;
tshekatsheko ya pele ya thulano ya tikologong" e šupa tokomane yeo e tšwago go tshekatseko ya pele yeo e dirilwego pele ga ge go dirwa thulano ya tikologong yeo e hlalošago dilo kamoka le go kgoboketšwa ga lenaneo la taolo ya tikologo go kgona go -
a sekaseka tshedimošo yeo e amanago le maemo a tikologo pele ga go nyaka diepšane goba go epa;
b šupa bontši bja dithulano tšeo di lebeletšwego le ditlamorago tša tšona tikologong, go tšeelwa hlogong tšhišimogo efe goba efe goba dikgaoletšo tšeo di ka no bago gona godimo ga goba mabapi le lefelo;
c šupa mekgwa ye mengwe le go šišinya mokgwa wa go ba maswanedi kudu le tshepetšo ya go loga maano le go tšwetša pele protšeke ya go nyaka diepšane le ya go epa yeo e šišintšwego le dinyakwa tša yona tša taolo ya tikologo;
d rekhota dipono tša pele le dipelaelo tša balaodi ba maswanedi, bao ba amegago le ba bangwe; le e šupa bokgole bja nyakišišo ye nngwe le ye nngwe yeo e nyakegago;
moepo", ge e somišwa bjalo ka lediri, e šupa tshepetšo efe goba efe yeo e lebišitšwego go ntšha Diminerale go, goba go šomišeng mašaledi a Diminerale godimo ga, ka gare goba ka fase ga lefase, meetse goba mašaledi afe goba afe, gomme e tsenya tshepetšo efe goba efe ya go sepelelana le tšona;
minerale" e šupa selo sefe goba sefe, se thata, seela goba moya, sa tlhago ka goba godimo ga lefase, ka fase ga goba ka meetseng goba ka gare ga ditšhila tša moepo goba mogogolwa wa mašaledi a moepo gomme e bopilwe ke goba e tsenetše tshepetšo ya tšeolotši go tsenywa santa, letlapa, leswika, mmopa mmogo le mabu gomme go sa tsenywe –
a meetse, ntle le meetse ao a tšewago nageng goba lewatleng gore go ntšhiwe minerale ofe goba ofe meetseng a b petroleamo; goba c mobugodimo le phiti;
lefelo la go epa" le šupa lefelo leo le nago le selo se tshwaretšwego tokelo ya go epa goba phemiti ya go epa; go tsenywa -
a lefelo lefe goba la naga leo le bapilego;
b lefelo lefe goba lefe la naga leo le sa bapago, ge e le gore e amana le lefelo le bjalo ka tsela efe goba efe, seporo, diphaephe tša motlakase, tsela ya diphaephe, dikheipole goba lepanta la tshepetšo; le c lefelo lefe goba lefe la naga leo tsela ye bjalo, seporo, diphaephe tša motlakase, tsela ya diphaephe,dikheipole goba lepanta la go sepetša le lego go lona, ka fase ga taolo ya mong wa tokelo ya go epa ye bjalo goba phemiti ya go epa gomme tšeo a nago le tokelo ya go di šomiša mabapi le ditshepetšo tše bjalo tša go epa ka fase ga tokelo ye bjalo goba phemiti;
tshepetšo ya go epa" e šupa tshepetšo efe goba efe yeo e amanago le goba e kopantšwego le tiro ya go epa;
Phemiti ya go epa" e ra phemiti ye e filwego go ya ke karolo 24 ;
tokelo ya go epa" e šupa tokelo ya go epa yeo e filwego go ya ka karolo 20 ;
Kantoro ya Ngwadišo ya Dithaetlele tša Meepo" e šupa Kantoro ya Dithaetlele tša Meepo yeo go akantšwego ka yona ka go karolo 2 ya Molao wa Ngwadišo ya Dithaetlele tša Meepo, 1967 (Molao wa Nomoro ya 16 wa 1967);
Lenaneo la mošomo wa go epa" e ra Mošomo wa o beakantšwego ka lenaneo, wo o swanetšego go latelwa gore go epše mohlodi wa minerale ka botlalo;
Tona" e šupa Tona ya Diminerale le Enetši;
Molaokakanywa wa tšhelete" e ya Molaokakanywa wa tšhelete wo o dirilwego Molao ke Palamente morago ga Molao wo, wo o kgonagatšago go lefelwa ga diroyalithi tša diminerale le petroleamo;
mohlankedi" e šupa mohlankedi ofe goba ofe wa Kgoro yoo a beilwego ka fase ga Molao wa Tirelo ya Setšhaba, 1994 (Pego No.103 ya 1994);
mong" mabapi le naga, e šupa -
i motho yoo naga e nwadišitšwego ka leina la gagwe; goba ii ge e le naga ya mmušo, mmušo mmogo le modudi wa gona;
petroleamo " e hlaloša seela sefe goba sefe, haetrokhapone ye thata goba gase ya go beša yeo e hlagago ka tlhago ka legogong la lefase gomme e tsenya seela sefe goba sefe se bjalo goba khapone ye thata goba gase ya go beša yeo e bušeditšwego ka mokgwa ofe goba ofe mokgweng woo wa tlhago, empa e sa tsenye malahla, bituminous shale goba mašaledi a mangwe ao a beakantšwego ao oli e ka humanwago go wona ka mokgwa wa tisitilo ya go senya goba gase yeo e tšwago mohlakeng goba mašaleding a mangwe a lefase;
bobolokelo bja petroleamo " e šupa popo ya tšeolotši yeo e nago le petroleamo ;
yeo e boletšwego" e šupa molawana woo o boletšwego;
go iša pele", mabapi le minerale ofe goba ofe, e šupa go humana, go ntšha, go hlokomedišiša, go šila, go khalsina, go aroganya, go pšhatla, go sekaseka, go hlatswa, go fokotša goba go moyafatša;
tokelo ya tšweletšo" e šupa tokelo yeo e filwego go ya ka karolo 79;
tshepetšo ya tšweletšo" e šupa tshepetšo efe goba efe, tiro goba taba yeo e amanago le hlohlomišo, tekanyetšo, tšwetšopele le tšweletšo ya petroleamo ;
lefelo la tšweletšo" e šupa lefelo lefe goba lefe leo le tshwaretšwego tokelo ya tšweletšo;
go nyaka diepšane" e hlaloša go nyaka minerale ofe goba ofe ka maikememišetšo ka mokgwa ofe goba ofe –
a woo o tshwenyanago le lefase, ka fase ga lefase, go balwa kabelo efe goba efe ya lefase yeo e lego ka fase ga lewatle goba ka fase ga meetse a mangwe; goba b ka gare goba godimo ga mokgobo wa mašaledi goba mogogolwa wa mašaledi, go kgona go netefatša go ba gona ga minerale ofe goba ofe le go phetha bontši le mohola wa ikonomi wa tšona;
lefelo la go nyaka" e šupa lefelo la naga leo le boletšwego ka are ga tokelo efe goba efe ya go nyaka;
tshepetšo ya go nyaka" e hlaloša tiro efe goba efe yeo e dirwago ka go goba mabapi le go nyaka diepšane;
tokelo ya go nyaka diepšane", e hlaloša tokelo ya go nyaka yeo e filwego go ya ka karolo 14 ;
lenaneo la modiro la go nyaka diepšane" e hlaloša modiro wa go nyaka diepšane woo o logetšwego maano ao a tshwanetšego go šalwa morago go kgona go netefatša go ba gona ga mothopo ofe goba ofe wa minerale ka lefelong la go nyaka diepšane lebakeng la nako leo le diretšwego kgopelo;
tshepetšo ya hlohlomišo" e hlaloša tshepetšo efe goba efe yeo e dirilwego ka baka la goba mabapi le go nyakwa ga petroleamo ka ditekanyo tša tšeolotšikale, tseofisikale le fototšeolotšikale gape di tsenya mekgwa efe goba efe ya go kwa e le kgole, gomme ga e tsenye tshepetšo efe goba efe ya hlohlomišo;
rekhoto" e hlaloša tshedimošo efe goba efe yeo e ngwadilwego fase go se na taba le mokgwa goba polelo;
melawana" e hlaloša molawana woo o dirilwego ka fase ga karolo 99;
Molaodi wa Selete" e hlaloša mohlankedi yoo a beilwego ke Tona go ya ka karolo 8 bjalo ka molaodi wa selete seo se itšego;
Komiti ya Selete ya Tšwetšopele ya Meepo le Tikologo" e hlaloša Komiti ya Selete ya Tšwetšopele ya Meepo le Tikologo yeo e hlomilwego go ya ka karolo 60;
mogogolwa wa mašaledi" e hlaloša mokgobo ofe goba ofe wa mašaledi ao a šalelago ge tokelo ya go nyaka diepšane, phemiti ya go epa goba phemiti ya tšweletšo e fela, e fedišwa goba e feta;
mokgobo wa mašaledi" e hlaloša magogodi afe goba afe, ditšhila, molora goba setšweletšwa sefe goba sefe seo se humanwego goba sa go bakwa ke tshepetšo ya go epa gomme o kgobokeditšwe goba o bolokilwe ka baka la gore go ena le kgonego ya gore o ka šomišwa gape, goba woo o lahlilwego, ke mong wa tokelo ya go epa, wa phemiti ya go epa goba tokelo ya tšweletšo;
lefelo la tshwaro" e hlaloša lefelo la naga leo le nago le tabataba ya phemiti ya tshwaro;
phemiti ya tshwaro" e hlaloša phemiti yeo e ntšhitšwego go ya ka karolo 29;
tšwelopele yeo e sa falego" e hlaloša kopanyo ya dintlha tša phedišano, ikonomi le tikologo, tiragatšo le go dira diphetho go netefatša gore tšwelopele e direla meloko ya ga bjale le ya išago;
Molao wo" e tsenya melawana le mabaka afe goba afe goba ditlamo tšeo phemiti efe goba efe, tokelo, tumelo, tlogelo, tumelelo, tsebišo, setifikiti sa tokollo, lenaneo la taolo ya tikologo goba methalohlahli yeo e lego ka gona, goba taetšo yeo e filwego goba e dumeletšwe go ya ka Molao wo;
mobu wa godimo" e šupa llaga ya mobu yeo e khupeditšego lefase yeo -
a e fago tikologo ya maswanedi gore dipeu di gole;
b e dumelelago go feta ga meetse;
c e lego mothopo wa diphedinyana, dinontšha tša dibjalo gomme mabakeng a mangwe peu;
d go akaretša botebo bja dimetara tše 0.5 goba botebo bofe goba bofe bjo bongwe bjalo ka ge go tla ba go phethile Molaodi lebakeng la nako leo le itšego goba lefelong la go epa.
KGAOLO 2
METHEO YE BOHLOKWA
Maikemišetšo a Molao
Maikemišetšo a Molao wo ke go –
a lemoga tokelo yeo e amogetšwego boditšhabatšhabeng ya mmušo go phethagatša borena godimo ga methopo kamoka ya Diminerale ka gare ga lefelo la wona;
b fa maatla molaotshepetšo wa boloti bja Mmušo bja methopo ya Diminerale ya setšhaba;
c godiša go humana ka go lekalekana methopo ya Diminerale ya setšhaba go batho kamoka ba Afrika Borwa;
d katološetša dibaka go batho bao ba nago le histori ya go se holege gore ba tsene ka intastering ya meepo le Diminerale goba ba holwe ke tšhomišo ya methopo ya Diminerale ya setšhaba;
e godiša kgolo ya ikonomi ka Repabliking;
f godiša go thwalwa le go tšwetša pele go ba gabotse ka tša phedišano le tša ikonomi go Maafrika Borwa kamoka;
g fa polokego ya tshwaro ya naga mabapi le ditshepetšo tša go nyaka diepšane le tša go epa;
h fa maatla karolo 24 ya Molaotheo ka go netefatša gore methopo ya setšhaba ya Diminerale e tšwetšwa pele ka mokgwa wa go tsebalega le go boloka tšwelopele ya ikholotši yeo e sa felego ka gare ga tlhako ya molaotshepetšo wa tikologo wa setšhaba; ditlwaelo le maemo ao a holago Maafrika Borwa kamoka; le i netefatša gore beng ba ditokelo tša go epa ba thuša ka tšwetšopele ya leago -ikonomi ya mafelo ao ba šomago ka go wona.
Boloti bja methopo ya Diminerale ya setšhaba
Methopo ya Diminerale ke bohwa bjo swanago go Maafrika Borwa kamoka gomme Mmušo ke moloti wa yona gore Maafrika Borwa kamoka a holege.
Bjalo ka mohlokomedi wa methopo ya Diminerale ya setšhaba, Mmušo wa setšhaba, o šoma ka tona, o ka no -
a fa, gana, laola, le go sepetša ditokelo tša go nyaka diepšane, ditokelo tša go epa, diphemiti tša go epa, diphemiti tša tshwaro le tumelelo ya go tloša le go lahla Diminerale dife goba dife; le b phetha tefišo efe goba le kakanyo tše lefšwago go ya ka Molao wo.
Tona e swanetše go netefatša tšwelopele yeo e sa felego ya methopo ya Diminerale ya Afrika Borwa ka gare ga tlhako ya molaotshepetšo wa setšhaba wa tikologo, ditlwaelo le maemo ge e godiša tšwetšopele ya ikonomi le ya leago.
Phetolelo ya Molao
Ge go fetolelwa kgonegišo ya Molao wo, phetolelo efe goba efe ya go kwala yeo e sepelelanago le maikemišetšo a Molao wo le molao wa boditšhabatšhaba, di swanetše go kgethwa godimo ga phetolelo efe goba efe ye nngwe yeo e sepelelanago le maikemišetšo ao le molao wa boditšhabatšhaba.
Go ya ka mokgwa woo molao wa tlwaelo o sa sepelelanego le Molao wo, go tla rena Molao wo.
Tlhago ya tokelo ya go nyaka goba tokelo ya go epa le ditokelo tša mong wa tšona
Tokelo ya go epa goba tokelo ya go nyaka ke tokelo ya nnete yeo e kgaoleditšwego ya maruo.
Mong wa tokelo ya go nyaka diepšane goba tokelo ya go epa o dumelelwa go ba le ditokelo tšeo di boletšwego ka karolong ye le ditokelo tše dingwe tšeo di ka no fiwago, tša humanwa ke goba tša fiwa mong yo bjalo ka fase ga Molao wo goba Molao ofe goba ofe.
Go ya ka Molao wo, moswari ofe goba ofe wa tokelo ya go nyaka dipšane goba tokelo ya go epa a ka no -
a tsena ka nageng yeo e amanago le tokelo ye bjalo le badiredi ba gagwe, gomme a ka no tliša ka nageng yeo sebjalo sefe goba sefe, motšhene le didirišwa le go aga, go hloma le go ala eng goba eng goba infrastraktšha ya ka fase ga mobu yeo e tla nyakegago ka mabaka a go nyaka diepšane goba a go epa, go ya ka moo go tla bego go le ka gona;
b nyaka diepšane goba a epa, go ya ka moo go tla bego go le ka gona, ka mabaka a gagwe, ka go goba ka fase ga naga yeo go humana minerale woo o fetšwego tokelo;
c tloša le go lahla minerale ofe goba wo bjalo woo o humanwego ge go nyakwa dipšane goba ge go epša, go ya ka moo go tla bego go le ka gona; le d Go ya ka Molao wa Bosetšhaba wa Meetse, 1998 Molao wa Nomoro ya 36 wa 1998, šomiša meetse a go tšwa go letsha, noka goba moedi wa tlhago, woo o lego godimo ga, goba o feta nageng ye bjalo goba go tšwa go kepo efe goba efe yeo e dirilwego pele le go šomišetšwa mabaka a go nyaka diepšane le a go epa, go ya ka moo go tla bago go le ka gona, goba go nweletša petse yeo e nyakelwago tšhomišo ya go amana le go nyaka diepšane goba epa, go ya ka moo go tla bego go le ka gona, godimo ga naga ye bjalo
Ga go motho yoo a ka no nyakago dipešane goba a epa goba a thoma ka modiro ofe goba ofe godimo ga lefelo la go nyaka diepšane goba lefelo la go epa ntle le -
a lenaneo la taolo ya tikologo leo le dumeletšwego; le b tokelo ya go nyaka diepšane goba tokelo ya go epa, go ya ka moo go tla bego go nyakega.
Metheo le toka ya tshepedišo
Go ya ka kgodišo ya Molao wa Kgodišo ya Tshepedišo, 2000 (Molao wa Nomoro ya 3 wa 2000), mokgwa ofe goba ofe wa tshepetšo woo o sepetšwago goba sephetho seo se tšewago go ya ka Molao wo, di swanetše go sepelelana le metheo ya molao, go kwala le boloki bja ditshepetšo.
Sephetho sefe goba sefe seo se akantšwego ka go karolwana 1 se swanetše go ngwalwa fase le go sepela le mabaka ao a ngwadilwego fase a sephetho se bjalo.
KGAOLO 3
TSHEPETŠO
Kgaoganyo ya Repabliki, meetse a nagadilete le karoganyo ya kontinente ka dilete
Ka mabaka a Molao wo, Tona e swanetše gore, ka tsebišo ka gare ga Kuranta ya Mmušo, le aroganye Repabliki, lewatle bjalo ka ge go hlalošitšwe ka go karolo 1 ya Molao wa Lebopo la lewatle, 1935 (Molao wa Nomoro ya 21 wa 1935), le karoganyo ya kontinente yeo go boletšwego ka yona ka go karolo 8 ya Molao wa Mafelo a Meetse, 1994 (Molao wa Nomoro ya 15 wa 1994), ka dilete.
Go bewa ga le mešomo ya mohlankedi
Molaodikakaretšo o swanetše gore go ya ka melao yeo e laolago tirelo ya setšhaba, a bee mohlankedi wa ka tirelong ya Kgoro bjalo ka molaodi wa selete se sengwe le se sengwe seo se akantšwego ka go karolo 8 yoo a swanetšego go dira mediro yeo a e laetšwego goba yeo a e filwego go ya ka Molao wo goba molao ofe goba ofe.
KGAOLO 4
TAOLO YA DIMINERALE LE TIKOLOGO
Tatelano ya go iša pele ga dikgopelo
Ge molaodi wa selete a humana dikgopelo tša go feta ye tee tša tokelo ya go nyaka diepšane, tokelo ya go epa goba phemiti ya go epa, go ya ka moo go tla bego go le ka gona, tša naga le minerale tšeo o tshwanago, dikgopelo tšeo di humanwego ka -
a letšatši le tee di swanetše go tšewa gore di humanwe ka nako ye tee gomme di swanetše go ahlaahlwa go ya ka karolwana 2;
b tšatšikgwedi a go fapana a swanetše go ahlaahlwa go ya ka tatelano ya wona.
Ge Tona e dira sephetho ka dikgopelo tšeo di humanwego bjalo ka ge go akantšwe ka go karolwana 1a, o swanetše go thoma ka dikgopelo tša batho ba go ba le histori ya go se holege.
Therišano le makoko ao a amegago le ao a nago le kgahlego
Lebakeng la matšatši a 14 morago ga go amogela kgopelo yeo e tlišitšwego go ya ka karolo 13, 19 goba 24, Molaodi wa Selete o swanetše gore, go ya ka mokgwa woo o boletšwego -
a a tsebagatše gore kgopelo ya tokelo ya go nyaka diepšane, tokelo ya go epa goba phemiti ya go epa di humanwe mabapi le naga yeo go bolelwago ka yona; le b a kgopele batho bao ba nago le kgahlego le bao ba amegago go tliša diswayaswayo tša bona mabapi le kgopelo lebakeng la matšatši a 30 go tloga ka tšatši la tsebišo.
Ge e le gore motho o gana gore tokelo ya go nyaka diepšane e fiwe, tokelo ya go epa goba phemiti ya go epa, Molaodi wa Selete o swanetše go fetišetša kgano go Komiti ya Selete ya Tšwetšopele ya Meepo le tikologo go akanya ka dikgano le go eletša Tona ka taba yeo.
Go šuthišetšega le mathata a ditokelo tša go nyaka diepšane le ditokelo tša go epa
Tokelo ya go nyaka diepšane, tokelo ya go epa, kgahlego ka go tokelo efe goba efe goba tswalo efe goba efe ya taolo ka go mong wa tokelo efe goba efe ye bjalo e ka no fiwa, ya šuthišetšwa, ya hirišwa, ya hirišwa ke yoo a e hirišeditšwego, ya fiwa, ya šelefatšwa goba ya lahlwa ka mokgwa wo mongwe ka tumelelo yeo e ngwadilwego ya Tona.
Tumelelo yeo go bolelwago ka yona ka go karolwana 1 e swanetše go fiwa ge e le gore yoo a fiwago, yoo a šuthišetšago, yoo a hirišetšwago goba motho yoo tokelo e šelefatšwago go yena goba e lahlelwago ke yena -
a o kgona go rwala le go latela boikgafo le ditlamo le mabaka a tokelo yeo e amegago;
b o kgona go latela boikgafo bja maano a kagišano lebakeng la tokelo ya go epa;
c o kgotsofatša dinyakwa tša karolo 14 goba 20, go ya ka moo go tla bego go le ka gona; le d o kgona go phethagatša, ebile o dumela go šala morago boikgafo kamoka bja mong wa pele.
Tumelelo yeo e akantšwego ka go karolwana 1 ga e nyakege mabapi le paledišo ka peelo ya tokelo efe goba efe ye bjalo goba tswalo bjalo ka poloko ya lounu efe goba efe goba karanti ka panka efe goba efe goba instithušene ye nngwe ya ditšhelete yeo e ngwadišitšwego ka Repabliking.
Tšhutišetšo efe goba efe, go fa, go hiriša, go hiriša ke yoo a e hirišeditšwego, go šelefatša, paledišo ka peelo goba phapanyo ya tokelo ya go nyaka diepšane goba tokelo ya go epa, go ya ka mo go tla bego go le ka gona, tšeo di boletšwego ka go karolo ye di swanetše go ngwadišwa Kantorong ya Ngwadišo ya Dithaetlele tša Meepo lebakeng la matšatši a 30 a tiro ya maswanedi.
Thušo go batho bao ba nago le histori ya go se holege
Tona, ka tumelo ya Tona ya tša Ditšhelete go tšwa ditšheleteng tšeo di beetšwego lebaka leo ke Palamente, e ka no fa thušo ya ditšhelete goba ye nngwe go batho goba mekgatlo ya batho ba go tšwa dihlopheng tša go ba le histori ya go se holege go sepetša ditiro tša go nyaka Diminerale goba tša go epa.
Thušo yeo go boletšwego ka yona ka gare ga karolwana 1 e ka no fiwa go ya ka mabaka le ditlamo tšeo Tona e ka no di phethago gomme ya ba sekoloto go Mmušo ka batho bao ba thušitšwego.
Pele ga go fa thušo yeo go boletšwego ka yona ka go karolwana 1, Tona e swanetše go tšeela hlogong dintlha kamoka tša maswanedi, go tsenywa -
a tlhokego ya go godiša khumano yeo e lekalekanago ya methopo ya setšhaba ya diminerale;
b maemo a tša ditšhelete a mokgopedi; le c Tlhokego ya go fetola popego ya bong ya intasteri ya Diminerale le meepo.
Kgopelo ya tokelo ya go nyaka diepšane
Motho yoo a nyakago go dira kgopelo go Tona ya tokelo ya go nyaka diepšane o swanetše go iša kgopelo -
a kantorong ya Molaodi wa Selete yoo naga e lego seleteng sa gagwe;
b ka mokgwa woo o boletšwego; le c mmogo le tefišo yeo e boletšwego yeo e sa bušeletšwego.
Molaodi wa Selete o swanetše go amogela kgopelo ya tokelo ya go nyaka diepšane ge e le gore -
a dinyakwa tše di ukangwago karolwaneng ya 1 di a kgotsofatšwa;
b go motho yo mongwe yoo a tshwerego tokelo ya go nyaka diepšane, phemiti ya go epa goba phemiti ya tshwaro ya minerale woo o tshwanago le naga.
Ge e le gore kgopelo ga e sepelelane le dinyakwa tša karolo ye, Molaodi wa Selete o swanetše go tsebiša mokgopedi ka go ngwala fase ka taba yeo lebakeng la matšatši a 14 a go humanwa ga kgopelo.
Ge Molaodi wa Selete o amogela kgopelo, Molaodi wa Selete o swanetše gore, lebakeng la matšatši a 14 go tloga ka tšatši la kamogelo, a tsebiše mokgopedi ka go ngwala fase gore -
a a tliše pego ya pele ya thulano ya tikologo lebakeng la matšatši a 30 go tloga ka tšatši la tsebišo; le b go ikopanya le makoko afe goba afe ao a nago le kgahlego le ao a amegago.
Go fiwa le lebaka la ditokelo tša go nyaka diepšane
Go ya ka dikakarolo , Tona e swanetše go fa tokelo ya go nyaka diepšane ge e le gore -
a mokgopedi o kgona go humana methopo ya ditšhelete le ge e le gore o na le bokgoni bja theknikale bja go sepetša tshepetšo ya go nyaka diepšane;
b tshenyegelo yeo e akantšwego e bapetšega le tshepetšo ya go nyaka diepšane yeo e ikemišeditšwego le lebaka la lenaneo la mošomo wa go nyaka;
c go nyaka go ka se bake tšhilafatšo yeo e ka se lokišegego, nyenyefatso ya ikholotši goba tshenyo ya tikologo;
d mokgopedi o na le bokgoni bja go šala morago dikgonegišo tša maswanedi tša Maphelo a Moepong le Molao wa Polokego, 1996;
e mokgopedi ga a ganetšane le dikgonegišo dife goba dife tša maswanedi tša Molao wo; le f go fiwa ga tokelo ye bjalo go tla tšwetša pele maikemišetšo ao go boletšwego ka wona ka go karolo 2d le f.
Tona e swanetše go gana go fa tokelo ya go nyaka diepšane ge e le gore kgopelo ga e kgotsofatše dinyakwa kamoka tšeo go boletswego ka tšona ka go karolwana 1;
Ge Tona e gana go fa tokelo ya go nyaka diepšane, ka go ngwala fase, Tona e swanetše go tsebiša mokgopedi ka go ngwala fase ka sephetho le mabaka a gona.
Go fiwa ga tokelo ya go nyaka diepšane go ya ka karolwana 1 go thoma go šoma ka tšatši leo ka lona lenaneo la taolo ya tikologo le dumelelwago go ya ka karolo 363.
Tokelo ya go nyaka diepšane e laolwa ke mabaka le ditlamo tšeo di boletšwego gomme e šoma lebaka la nako leo le hlalošitšwego ka gare ga tokelo, gomme lebaka leo ga se le tshwanele go feta mengwaga ye mehlano.
Kgopelo ya mpšhafatšo ya tokelo ya go nyaka diepšane
Mong ofe goba ofe wa tokelo ya go nyaka diepšane yoo a ratago go dira kgopelo go Tona ya gore tokelo ya go nyaka diepšane e mpšhafatšwe o swanetše go tliša kgopelo -
a kantorong ya Molaodi wa Selete yoo naga e lego seleteng sa gagwe;
b ka mokgwa woo o boletšwego; le c mmogo le tefišo yeo e boletšwego yeo e sa bušetšwego.
Kgopelo ya mpšhafatšo ya tokelo ya go nyaka diepšane e swanetše -
a go bolela lebaka leo mpšhafatšo e nyakegago;
b go sepela le pego yeo e hlalošago dilo ka botlalo yeo e bontšhago dipoelo tša go nyaka, phetolelo ya tšona le tshenyegelo ya go nyaka diepšane;
c go sepela le pego yeo e bontšhago tšhalo morago ya dinyakwa tša lenaneo la taolo ya tikologo leo le dumeletšwego, tšošološo yeo e yo dirwago le ditshenyegelo tša goba tšeo di akantšwego; le d go tsenya lenaneo la mošomo wa go nyaka diepšane leo le hlalošago dilo ka botlalo la lebaka la mpšhafatšo.
Tona e swanetše go fa mpšhafatšo ya tokelo ya go nyaka diepšane ge e le gore kgopelo e latelela dikarolwana 1 le 2 le ge e le gore mong wa tokelo ya go nyaka diepšane o šetše morago -
a mabaka le ditlamo tša tokelo ya go nyaka diepšane gape ge a sa ganetšane le dikgonegišo dife goba dife tša maswanedi tša Molao wo;
b lenaneo la mošomo la go nyaka diepšane; le c dinyakwa tša lenaneo la taolo ya tikologo leo le dumeletšwego.
Tokelo ya go nyaka diepšane e ka no mpšhafatšwa, ga tee, lebaka leo le sa fetego mengwaga ye meraro.
Ditokelo le ditlamo tša mong wa tokelo ya go nyaka diepšane
Go tlaleletša ditokelo tšeo go boletšwego ka tšona ka go karolo 5, mong wa tokelo ya go nyaka diepšane -
a ge e le gore, go ya ka karolwana 15, tokelo yeo e kgethollago ya go dira kgopelo le go fiwa tokelo ya go nyaka diepšane mabapi le minerale le lefelo leo go nyakwago go lona;
b go ya ka karolwana 2, tokelo yeo e kgethollago ya go kgopela le go fiwa tokelo ya go epa mabapi le minerale le lefelo la go nyaka tšeo go bolelwago ka tšona; le c go ya ka tumelelo yeo go bolelwago ka yona ka go karolo 17, tokelo yeo e kgethollago ya go tloša le go lahla minerale ofe goba ofe, woo o amanago le tokelo ye bjalo, woo o humanwego ge go nyakwa.
Mong wa tokelo ya go nyaka diepšane o swanetše go -
a ngwadiša tokelo ye bjalo le Kantoro ya Ngwadišo ya Dithaetlele tša Meepo lebakeng la matšatši a 30 a tšatši leo ka lona tokelo -
i e thoma go šoma go ya ka karolo 144;
ii e mpšhafaditšwego go ya ka karolo 153;
b o swanetše go thoma ka ditiro lebakeng la matšatsi a 90 go tloga ka tšatši leo ka lona tokelo ya go epa e thomago go šoma go ya ka karolo 144;
c go tšwela pele go sepetša ditiro tša go nyaka go ya ka lenaneo la mošomo wa go nyaka diepšane;
d go šala morago mabaka le ditlamo tša tokelo ya go nyaka diepšane le dikgonegišo tša maswanedi tša Molao wo;
e go šala morago dinywakwa tša lenaneo la taolo ya tikologo leo le dumeletšwego; le f go lefa tefišo ya go nyaka diepšane yeo e boletšwego go Mmušo.
Tumelelo ya go tloša le go lahla diminerale
Go ya ka karolwana , mong wa tokelo ya go nyaka diepšane a ka no tloša le go lahla minerale ofe goba ofe ka bontši bjo bo ka no nyakegago go dira diteko ka bjona goba go šupa le go o sekaseka.
Mong wa tokelo ya go nyaka diepšane o swanetše go humana tumelelo ya Tona yeo e ngwadilwego fase go tloša goba go lahla disampolo dife goba dife tša mokgobo tša minerale ofe goba ofe woo o boletšwego woo o humanwego ge go dirwa tshepetšo ya go nyaka.
Mong wa tokelo ya go nyaka diepšane o swanetše go -
a gore lefelong la ka Repabliking, a boloke direkhoto tša maleba tša tshepetšo ya go nyaka le dipoelo le ditshenyegelo tšeo di amanago le yona mmogo le data ya borehole core le core -log data; le b gore, ka mokgwa woo o boletšwego le ka dibaka tšeo di boletšwego, a tliše dipego tša tšwelopele go Molaodi wa Selete mabapi le ditshepetšo tša go nyaka diepšane.
Ga go motho yoo a swanetšego go lahla goba go senya rekhoto efe goba efe, borehole core goba core -log data tšeo go boletšwego ka tšona ka go karolwana 1a ntle le ge e le go ya ka ditaelo tšeo di ngwadilwego fase tša Molaodi wa Selete wa maswanedi.
Kgopelo ya tokelo ya go epa
Mang le mang yoo a ratago go kgopela Tona tokelo ya go epa o swanetše go iša kgopelo -
a kantorong ya Molaodi wa Selete yoo naga e lego seleteng sa gagwe;
b ka mokgwa woo o boletšwego; le c mmogo le tefišo ya kgopelo yeo e sa bušetšwego.
Molaodi wa Selete o swanetše go amogela kgopelo ya tokelo ya go epa ge e le gore -
a dinyakwa tše di akangwago go karolwana 1 di a kgotsofatšwa;
b ga go motho yo mongwe yoo a swerego tokelo ya go nyaka diepšane, tokelo ya go epa, phemiti ya go epa goba phemiti ya tshwaro ya minerale woo o tshwanago le naga.
Ge e le gore kgopelo ga e sepelelane le dinyakwa tša karolo ye, Molaodi wa Selete o swanetše go tsebiša mokgopedi ka go ngwala fase ka taba yeo lebakeng la matšatši a 14 morago ga ge kgopelo e humanwe.
Ge e le gore Molaodi wa Selete o amogela kgopelo, Molaodi wa Selete o swanetše gore, lebakeng la matšatši a 14 go tloga ka tšatši la kamogelo, a tsebiše mokgopedi ka go ngwala fase gore a tliše pego ya pele ya tshekatsheko ya tikologo lebakeng la matšatši a 30 go tloga ka tšatši la tsebišo.
Go fiwa le labaka la tokelo ya go epa
Go ya ka karolwana , Tona e swanetše go fa tokelo ya go epa ge e le gore -
a mothopo wa minerale o ka epšwa gomme wa tliša dipoelo tša go kgahliša;
b mokgopedi o kgona go humana methopo ya ditšhelete ebile o na le bokgoni bja theknikale bja go sepetša tshepetšo ya go epa yeo e ikemišeditšwego gore e tliše dipoelo tša go kgahliša;
c maano a thušo ya ditšhelete a bapetšega le tshepetšo ya go epa yeo e ikemišeditšwego le lebaka la gona;
d ge e le gore moepo o ka se bake tšhilafatšo yeo e ka se lokišegego, nyenyefatšo ya ikholotši goba tshenyo go tikologo;
e mokgopedi o kgonegišitše maano a leago ao a boletšwego;
f mokgopedi o na le bokgoni bja go latelela dikgonegišo tša maswanedi tša Molao wa Polokego le Maphelo a Meepong, 1996, Molao wa Nomoro ya 29 wa 1996;
g mokgopedi ga a tlole dikgonegišo dife goba dife tša Molao wo; le h go fiwa ga tokelo ye bjalo go tla tšwetša pele maikemišetšo ao a boletšwego ka go karolo 2d le f.
Tona e swanetše go gana go fa tokelo ya go epa ge e le gore -
kgopelo ga e kgotsofatše dinywakwa kamoka tšeo di boletšwego ka go karolwana ;
Ge e le gore Tona e gana go fa tumelelo ya go epa, Ttona e swanetše gore, lebakeng la matšatši a 30 a go gana, e tsebiše mokgopedi ka go ngwala fase ka sephetho le mabaka a gona.
Go fiwa ga tokelo ya go epa go ya ka karolwana 1 go tla thoma go šoma ka tšatši leo lenaneo la taolo ya tikologo le dumeletšwego go ya ka karolo 363.
Tokelo ya go epa e laolwa ke mabaka le ditlamo tšeo di boletšwego ebile e šoma lebaka leo le boletšwego ka gare ga tokelo, gomme lebaka leo ga se le swanele go feta mengwaga ye 30.
Kgopelo ya mpšhafatšo ya tokelo ya go epa
Mang le mang yoo e lego mong wa tokelo ya go epa yoo a ratago go dira kgopelo go Tona ya mpšhafatšo ya tokelo ya go epa o swanetše go iša kgopelo -
a kantorong ya Molaodi wa Selete yoo naga e lego seleteng sa gagwe;
b ka mokgwa woo o boletšwego; le c mmogo le tefišo ya kgopelo yeo e sa bušetšwego.
Kgopelo ya mpšhafatšo ya tokelo ya go epa e swanetše go -
a bolela lebaka la nako leo mpšhafatšo e nyakegago b sepela le pego ye e bontšhago gore dinywakwa tša lenaneo la taolo ya tikologo leo le dumeletšwego le šalwa morago go fihla kae, tšošološo yeo e yo dirwago le ditshenyegelo tša gona tšeo di akantšwego; le c akaretša lenaneo le le tletšego la mošomo wa go epa.
Tona e swanetše go fa mpshafatšo ya tokelo ya go epa ge e le gore kgopelo e šala morago dikakarolo 1 le 2 le ge e le gore mong wa tokelo ya go epa o šetše morago -
a mabaka le dikwano tša tokelo ya go epa gomme ga a ganetšane le dikgonegišo tša maswanedi tša Molao wo;
b ditlamo tša ka fase ga maano a kgwebo a moepo;
c dinyakwa tša maano a leago ao a boletšwego; le d dinyakwa tša lenaneo la taolo ya tikologo leo le dumeletšwego.
Tokelo ya go epa e ka no mpshafatšwa mabaka a mangwe ao a sa fetego mengwaga ye 30.
Ditokelo le boikgafo bja mong wa tokelo ya go epa
Go tlaleletša ditokelo tšeo go boletšwego ka tšona ka go karolo 5, mong wa tokelo ya go epa o swanetše gore, go ya ka karolo 21, tokelo ya go kgetholla, a kgopele le go fiwa mpšhafatšo ya tokelo ya go epa ya minerale le lefelo la go epa leo go bolelwago ka lona.
Mong wa tokelo ya go epa o swanetše go -
a ngwadiša tokelo ye bjalo go Kantoro ya Ngwadišo ya Dithaetlele tša Meepo lebakeng la matšatši a 30 a tšatši leo ka lona tokelo -
i e thomago go šoma go ya ka karolo ya 204; goba ii e mpšhafaditšwego go ya ka karolo 213;
b thoma ditshepetšo tša go epa lebakeng la ngwaga wo tee go tloga ka tšatši leo ka lona tokelo ya go epa e thomago go šoma go ya ka karolo 204;
c go epa ka mahlahla go ya ka mananeo a kgwebo a go epa;
d šala morago mabaka le dikwano tša tokelo ya go epa le dikgonegišo tša maswanedi tša Molao wo;
e šala morago dinyakwa tša lenaneo la taolo ya tikologo leo le dumeletswego;
f šala morago dinyakwa tša maano a leago ao a boletšwego; le
Mehola ya diminerale
Tona le Ditona tša Ditšhelete le Kgwebišano le Diintaseteri di ka kwana ka ga ditlhohleletšo tša go tšweletša dikholego tša dimenerala ka Repabliking.
Ge Tona, ka go tšea kgato go ya ka keletšo ya Lekgotla le morago ga go rerišana le Tona ya Kgwebišanono le Diintaseteri, e hwetša gore menerale wo o itšego o ka fiwa mohola go tša ekonomi ka Repabliking, Tona e ka tšweletša mohola woo go ya ka dikwaano le mabaka tše di ka bewago ke Tona.
Motho ofe goba ofe yo a nago le maikemišetšo a gore menerale ofe goba ofe wo o epšago ka Repabliking o be le mohola ka ntla ga Repabliki, o swanetše go hwetša tumelelo ye e ngwadilwego ya Tona.
Kgopelo ya, go fiwa le lebaka la phemiti ya moepo
Phemiti ya go epa e ka ntšhiwa fela ge e le gore -
a mothopo wa minerale woo go bolelwago ka wona o ka epšwa gore ofe dipoelo tšeo di kgahlišago lebakeng la mengwaga ye mebedi; le b lefelo la moepo leo go bolelwago ka lona le ka se fete bogolo bja dihektare tše 0.5.
Motho yoo a ratago go dira kgopelo go Tona ya phemiti ya moepo o swanetše go tliša kgopelo -
a kantorong ya Molaodi wa Selete yoo naga e lego seleteng sa gagwe;
b ka mokgwa woo o boletšwego; le c mmogo le tefišo ya kgopelo yeo e sa bušetšwego.
Molaodi wa Selete o swanetše go amogela kgopelo ya tokelo ya go epa ge e le gore -
a dinyakwa tše di ukangwago g karolwana 2 di a kgotsofatšwa;
b ga go motho yo mongwe yoo a swerego tokelo ya go nyaka diepšane, tokelo ya go epa, phemiti ya go epa goba phemiti ya tshwaro ya minerale woo o tshwanago le naga.
Ge e le gore kgopelo ga e sepelelane le dinyakwa tša karolo ye, Molaodi wa Selete o swanetše go tsebiša mokgopedi ka go ngwala fase ka taba yeo lebakeng la matšatši a 14 kgopelo e humanwe.
Tona e swanetše go ntšha phemiti ya go epa ge e le gore -
a dinywakwa tšeo di akantšwego ka go karolwana 1 di kgotsofaditšwe; le b lenaneo la taolo ya tikologo leo le boletšwego le dumeletšwe go ya ka karolo 363.
Mong wa phemiti ya go epa –
a a ka no tsena ka nageng yeo e amango le phemiti ye bjalo le badiredi ba gagwe, gomme a ka no tliša ka nageng yeo didirišwa dife goba dife tšeo di nyakegago, metšhene le ditlabelo gomme a ka aga a hloma le go lokiša lebato lefe goba lefe goba a hlomo dikago tša ka tlase ga mobu tše di ka nyakegago mererong ya moepe;
b go ya ka Molao wa Setšhaba wa Meetse, 1998 Molao wa Nomoro ya 36 wa 1998, a ka no šomiša meetse a go tšwa moeding ofe goba ofe wa tlhago woo o lego godimo ga, goba o elela go putla naga ye bjalo goba go tšwa kepong efe goba efe yeo e dirilwego pele gomme e šomitšwa mabaka a go nyaka diepšane goba go epa, goba go epa petse yeo e nyakegago go šomišetšwa tshomišo ya go amana le go nyaka goba go epa, go ya ka moo go tla bego go le ka gona, godimo ga naga ye bjalo; le
a e soma lebaka leo le boletšwego ka gare ga phemiti, leo le se le swanelego go feta lebaka la mengwaga ye mebedi empa le ka no mpšhafatšwa, ga tee, lebaka le lengwe la ngwaga wo tee; le b e ka se šuthišetšwe, ya fiwa, ya hirišwa, ya hirišwa ke yoo a e hirišeditšwego, ya lahlwa goba ya šomišwa bjalo ka poloko goba go thatafatšwa ka mokgwa ofe goba ofe.
Tshedimošo le data mabapi le go epa goba go iša pele diminerale
Mong wa tokelo ya go epa goba phemiti ya go epa, lefelong la ka Repabliking ye, o swanetše go boloka direkhoto tša ditiro tša go epa le tša ditšhelete tša go amana le moepo.
Mong wa tokelo ya go epa goba phemiti ya go epa, goba taolo ya polante ye bjalo ya go iša pele, ka go arogana le moepo o swanetše go iša go Molaodikakaretšo -
a dipoelo tša kgwedi tšeo di boletšwego tša go ba le tshedimošo yeo e nepilego le yeo e nepagetšego le data; le b pegongwaga yeo e hlakišitšwego goba ditaodišo tša ditšhelete tšeo di bontšhago balance sheet le akhaonte ya poelo le tahlegelo.
Maatla a Tona go lebiša dineo tša tshedimošo yeo e itšego goba data
Tona e ka no re, go kgona go fihlelela maikemišetšo a Molao wo, ya laela ka go ngwala fase gore tshedimošo yeo e itšego goba data di tlišwe ke -
a mokgopedi wa tokelo ya go nyaka diepšane, tokelo ya go epa, phemiti ya tshwaro goba phemiti ya go epa, go ya ka moo go tla bego go le ka gona;
b mong ofe goba ofe wa naga yeo go boletšwego ka yona ka go tokelo ya go nyaka, phemiti ya go epa, phemiti ya tshwaro goba phemiti ya go epa, goba kgopelo ya gona;
c mong ofe goba ofe wa mabu yeo e angwago ke tokelo ya go nyaka, tokelo ya go epa, phemiti ya tshwaro goba phemiti ya go epa, goba kgopelo ya tšeo.
Kutollo ya tshedimošo
Go ya ka karolwana , tshedimošo efe goba efe goba data yeo e tlišwago go ya ka mabaka le ditlamo tša karolo 18, 25 goba 26 di ka no utollelwa mang goba mang -
a gore a fihlelele maikemišetšo afe goba afe ao go boletšwego ka wona ka go karolo 2c, d goba e;
b go fa maatla tokelo ya go kgona go humana tshedimošo yeo e akantšwego ka go karolo 32 ya Molaotheo; goba c ge e le gore tshedimošo ye bjalo goba data di šetše di filwe setšhaba.
Ga go tshedimošo goba data tšeo di tla utollelwago mang goba mang ge e le gore -
a e na le tshedimošo goba data tša thutamahlale goba tša theknikale tšeo e lego diphiri tša kgwebo goba e le maruo a bohlale bja moabi wa tshedimošo goba data;
b kutollo ya tshedimošo goba data e tla baka goba e ka no baka tshenyo go dikgahlego tšeo di tshwanago tša kgwebo goba tša ditšhelete tša moabi wa tshedimošo goba data; goba c e na le tsedimošo goba data yeo e abilwego ka sephiri ke moabi wa tshedimošo goba data gomme go utollwa ga tshedimošo goba data go ka no -
i dira gore moabi a se atlege ditherišanong tša dikontraka goba tše dingwe; goba ii tlhaola moabi mo phadišanong ya kgwebo.
Motho ofe goba ofe yoo a tlišago tshedimošo goba data go ya ka karolo 18, 25 goba 26 o swanetše go tsebiša Molaodi wa Selete yoo a amegago le go šupa gore ke tshedimošo goba data efe yeo e swanetšego go tšewa e le ya sephiri gomme e se e tshwanele go utollwa.
Kgopelo ya phemiti ya tshwaro
Mong ofe goba ofe wa tokelo ya go nyaka diepšane yoo a ratago go dira kgopelo go Tona ya phemiti ya tshwaro o swanetše go tliša kgopelo -
a kantorong ya Molaodi wa Selete yoo naga e lego seleteng sa gagwe;
b ka mokgwa woo o boletšwego; le c mmogo le tefišo ya kgopelo yeo e sa bušetšwego.
Molaodi wa Selete o swanetše go amogela kgopelo ya tokelo ya go epa ge e le gore -
a dinyakwa tše di akangwago go karolwana 1 di a kgotsofatšwa;
b mokgopedi ke mong wa tokelo ya go nyaka diepšane yeo e amegago.
Go fiwa le lebaka la phemiti ya tshwaro
Tona e ka no ntšha phemiti ya tshwaro ge e le gore mong wa phemiti ya go nyaka diepšane o -
a nyakile godimo ga naga yeo e boletšwego ka gare ga kgopelo;
b feditše ditiro tša go nyaka le thuto ya kgonego;
c o netefaditše go ba gona ga minerale woo go nago le kgonego ya gore o epšwe;
d ithutile mmaraka gomme o humane gore moepo le minerale tšeo go bolewago ka tšona di ka se lokele ikonomi ka baka la maemo a maaraka a nako yeo; le e o šetše morago dikgonegišo tša maswanedi tša Molao wo.
Ge go fiwa phemiti ya tshwaro tokelo ya go nyaka diepšane ya minerale le naga tšeo go bolelwago ka tšona, tokelo ya go nyaka diepšane e a fela.
Go se na taba le karolwana 2, lenaneo la taolo ya tikologo leo le dumeletšwego mabapi le tokelo ya go nyaka diepšane le a šoma go se na taba le gore tokelo ya go nyaka diepšane e fetile.
Phemiti ya tshwaro e šoma lebaka la nako leo e boletšwego ka gare ga phemiti, gomme lebaka leo ga se le tshwanele go feta mengwaga ye meraro.
Kgano ya kgopelo ya phemiti ya tshwaro
Tona e ka no gana go fa phemiti ya tshwaro, ge e le gore, ge e tšeela hlogong tshedimošo yeo e filwego ka fase ga karolo 29 le phatišišo yeo e dirilwego ke Lekgotla ka kgopelo ya Tona, go netefatšwa gore -
a mothopo wa minerale woo o amanago le kgopelo o ka epšwa gomme wa tliša dipoelo;
b mokgopedi ga se a fetše ditiro tša go nyaka le thuto ya kgonego tša maswanedi; goba c go fiwa ga phemiti ye bjalo go tla -
i baka molao wa tlogelo;
ii thibela phadišano ya nnete;
iii baka kgobokanyo ya Diminerale ka diatleng tša mokgopedi.
Mpšhafatšo ya phemiti ya tshwaro
Kgopelo ya mpšhafatšo ya phemiti ya tshwaro e swanetše go tlišwa ka mokgwa woo o tshwanago le wa phemiti ya tshwaro ka go karolo 28 gomme e tshwanetše go tsenya -
a pego yeo e mpšhafaditšwego ya mabaka ao a bego a le gona ka nako yeo phemiti e filwego; le b lebaka le mabaka a gore ke ka baka la eng mpšhafatšo e nyakega.
a mong o setše morago dikgonegišo tša maswanedi tša Molao wo le mabaka le ditlamo tša phemiti ya tshwaro; le b maemo ao a akantšwego ka go karolo 291d a sa le gona.
Phemiti ya tshwaro e ka no mpšhafatšwa, ga tee, lebaka leo le sa fetego mengwaga ye mebedi.
Ditokelo le boikgafo bja mong wa phemiti ya tshwaro
Go ya ka karolwana , mong wa phemiti ya tshwaro o na le tokelo yeo e tlhaolago go fiwa tokelo ya go epa mabapi le naga yeo go bolelwago ka yona.
a fa maatla lenaneo la taolo ya tikologo le go lefa tefišo ya tshwaro yeo e boletšwego; le b go tliša pego ya tšwelopele kgwedi ye nngwe le ye nngwe ya botshelela go Molaodi wa Selete yeo e bontšhago -
i maemo a mmaraka a nako yeo, thulano ya wona le tlhokego ya tshwaro phemiti ye bjalo ya tshwaro ya minerale le naga tšeo go bolelwago ka tšona; le ii maiteko ao a dirilwego ke mong yo bjalo go netefatša gore tshepetšo ya moepo e thoma pele ga tšatši la bofelo leo go boletšwego ka lona ka go karolo 294 goba 313, go ya ka moo go tla bego go le ka gona.
Phemiti ya tshwaro ga se e tshwanele go šuithišetšwa, go fiwa, go hirišwa, go hirišwa ke yoo a e hirišeditšwego, go lahlwa, go šomišwa bjalo ka poloko goba go thatafatšwa ka mokgwa ofe goba ofe.
Metheo ya taolo ya tikologo
Metheo yeo e hlalošitšwego ka go karolo 2 ya Molao wa Setšhaba wa Taolo ya Tikologo,1998 (Molao wa Nomoro ya 107 wa 1998) -
a e šoma go ditshepetšo kamoka tša go nyaka diepšane le tša go epa le taba efe goba efe yeo e amanago le tshepetšo ye bjalo;
b e dira bjalo ka methalohlahli ya phetolelo, tshepetšo le phethagatšo ya dinyakwa tša tikologo tša Molao wo.
Tshepedišo efe goba efe ya go nyaka diepšane goba ya go epa e swanetše go sepetšwa go ya ka maemo ao a lemogwago ka kakaretšo ya tšwelopele yeo e sa felego ka go kopanya dintlha tša leago, ikonomi le tša tikologo le peakanyo le phethagatšo ya diprotšeke tša go nyaka diepšane le tša go epa go netefatša gore hlohlomišo ya methopo ya Diminerale e direla meloko ya bjale le ya išago.
Maikarabelo le taolo ya tikologo tšeo di kopantšwego go phekola
Mong wa tokelo ya go nyaka diepšane, tokelo ya go epa, phemiti ya tshwaro goba phemiti ya go epa, o swanetše gore, ka dinako kamoka, a -
a fe maatla maikemišetšo a kakaretšo a taolo ya tikologo yeo e kopantšwego yeo e boletswego ka go Kgaolo 5 ya Molao wa Setšhaba wa Taolo ya Tikologo, 1998 Molao wa Nomoro ya 107 wa 1998 le b akanye, nyakišiše le go sekaseka thulano ya go nyaka diepšane goba go epa ga gagwe tikologong bjalo ka ge go akantšwe ka go karolo 247 ya Molao wa Setšhaba wa Taolo ya Tikologo, 1998 Molao wa Nomoro ya 107 wa 1998;
c laole dithulano kamoka tša tikologo -
i go ya ka lenaneo la gagwe la taolo ya tikologo; le ii bjalo ka karolo ye bohlokwa ya tshepetšo ya go nyaka diepšane goba ya go epa, ka ntle le ge Tona e laela ka mokgwa wo mongwe;
d go ya ka mokgwa woo o kgonegago, go tsošološa tikologo yeo e amilwego ke ditshepetšo tša go nyaka goba tša go epa gore e be seemong sa yona sa tlhago goba go tšhomišo ya naga yeo e sepelanago le mogopolo woo o amogelegago ka kakaretšo wa tšwelopele yeo e sa felego; le e o rwele maikarabelo a tshenyo efe goba efe ya tikologo, tšhilafatšo goba nyenyefatšo ya ikholotši yeo e bakilwego ke ditshepetšo tša gagwe tša go nyaka diepšane goba tša go epa tšeo di ka no diregago ka ntle ga mellwane ya lefelo leo le boletšwego ka gare ga phemiti.
Lenaneo la taolo ya tikologo
Mang le mang yoo a dirilego kgopelo ya tokelo ya go nyaka go epa, tokelo ya go epa goba phemiti ya moepo go ya ka karolo 13, 19 goba 24 o swanetše go tliša lenaneo la taolo ya tikologo lebakeng la matšatši a 120 go tloga ka tšatši leo a tsebišitšego Tona go dira ka mokgwa woo.
Mokgopedi yoo a lokišago lenaneo la taolo ya tikologo o swanetše go -
a netefatša motheo wa tshedimošo yeo e amanago le tikologo yeo e amegago go phetha tšhireletšo, dikgato tša phekolo le maikemišetšo a taolo ya tikologo;
b nyakišiša, go sekaseka le go lekanyetša thulano ya ditshepetšo tša gagwe tša go nyaka diepšane goba tša go epa tšeo a di šišintšego -
i go tikologo;
ii mabaka a leago dipolotiki a motho ofe goba ofe yoo a ka angwago thwii ke tshepetšo ya go nyaka diepšane goba ya go epa; le iii bohwa bja setšhaba bjalo ka ge bo hlalošitšwe ka go karolo 32 ya Molao wa Methopo ya Bohwa bja Setšhaba Molao wa Nomoro ya 25 wa 1999, ka tlogelo ya gore bohwa bja setšhaba bjo akantšwego ka go karolo 32Iiv le vii tša Molao woo.
c tšwetša pele maano a temogo ya tikologo ao a hlalošago ka moo mokgopedi a ikemišeditšego go tsebiša badiredi ba gagwe ka diphonkgelo dife goba dife tša tikologo tšeo di ka no bakwago ke mošomo wa bona le ka moo diphonkeglo tšeo di swanetšego go ahlaahlwa gore go phefšwe tšhilafatšo goba nyenyefatšo ya tikologo.
d hlaloša ka moo a ikemišeditšego go -
i fetola, go phekola go laola goba go emiša tiro efe goba efe yeo e bakago tšhilafatšo goba nyenyefatšo ya tikologo;
ii laola goba go phekola tšeo di bakago tšhilafatšo goba nyenyefatšo le khudugo ya ditšhilafatšo; le iii šala morago maemo ao a boletšwego a ditšhila goba maemo a taolo goba ditiro.
a Go ya ka temana b, Tona e swanetše gore, lebakeng la matšatši a 120 go tloga ka tšatši leo lenaneo la taolo ya tikologo le tlišitšwego, le dumelele lenaneo la taolo ya tikologo ge e le gore -
i le šala morago dinyakwa tša karolwana 2;
ii mokgopedi o šetše morago karolo 381; le iii mokgopedi o na le bokgoni goba o kgonegišitše bokgoni bja go tsošološa le go laola dithulano tšeo di sa kgahlišego go tikogo.
b Tona e ka no se dumelele lenaneo la taolo ya tikologo ka ntle le ge le tšeetše hlogong -
i ditšhišinyo dife goba dife ka Komiti ya Selete ya Tšwetšopele ya Meepo le Tikologo;
ii diswayaswayo tša kgoro efe goba efe ya Mmušo yeo e filwego maikarabelo a tshepetšo ya molao ofe goba ofe woo o amanago le merero yeo e amago tikologo.
Tona e ka no kgopela tshedimošo ye nngwe go motho yoo a akantšwego ka go karolwana 1 gape le ka no lebiša lenaneo la taolo ya tikologo leo go bolelwago ka lona gore le fetolwe ka mokgwa woo Tona e nyakago.
a Ka nako ye nngwe le ye nngwe, morago ga ge a dumeletše lananeo la taolo ya tikologo, le morago ga therišano le mong wa tokelo ya go nyaka, tokelo ya go epa goba phemiti ya go epa yeo go bolelwago ka yona, Tona e ka no dumelela lenaneo la taolo ya tikologo leo le fetotšwego.
b Ka mabaka a temana a, karolwana 3 e šoma le diphetogo tšeo di hlokegago.
Therišano le dikgoro tša mmušo
Ge go akanywa ka lenaneo la taolo ya tikologo go ya ka karolo 36, Tona e swanetše go rerišana le Kgoro efe goba efe ya mmušo yeo e sepetšago molao ofe goba ofe wa go amana le merero yeo e amago tikologo.
Tona e swanetše go kgopela hlogo ya kgoro yeo e rerišwago ka go ngwala fase go tliša diswayaswayo tša Kgoro yeo lebakeng la matšatši a 60 go tloga ka tšatši la kgopelo.
Kgonegišo ya ditšhelete tša go phekola tshenyo ya tikologo
Mong wa tokelo ya go nyaka diepšane, tokelo ya go epa goba phemiti ya go epa, o swanetše gore, pele ga ge Tona e dumelela lenaneo la taolo ya tikologo go ya ka karolo 36 , a dire kgonegišo ya ditšhelete yeo e boletšwego ya tsošološo goba taolo ya dithulano tša tikologo tšeo di sa kgahlišego.
Ge mong a ka palelwa ke go tsošološa goba go laola, goba a sa kgone go phethagatša tsošološo ye bjalo goba go laola dithulano dife goba dife tša go se kgahliše tša tikologo, ka go fa mong yo bjalo tsebišo yeo e ngwadilwego fase, Tona e ka no šomiša karolo goba kamoka ga kgonegišo ya ditšhelete yeo e akantšwego ka go karolwana 1 go tsošološa goba go laola thulano ya tikologo yeo go boletšwego ka yona.
Ge kgonegišo ya tšhelete yeo e akantšwego ka go karolwana 1 goba karolo efe goba efe ya gona e šomišitšwe bjalo ka ge go akantšwe ka go karolwana 2, goba ge Tona e phetha gore, ka baka la tshenyo yeo e bakilwego goba yeo e ka no bakwago, kgonegišo ya tšhelete ga se e lekane, tšhelete ye nngwe, yeo e badilwego mong le go dumelelwa ke Tona, e swanetše go fiwa mong yo bjalo.
Senyakwa sa go boloka le go swara kgonegišo ya tšhelete se a šoma go fihla ge Tona e ntšha setifikeiti sa tokollo go ya ka karolo 43 go mong yo bjalo.
Taolo ya mekgobo ya mašaledi le mogogolwa wa mašaledi
Mekgobo ya mašaledi le mogogolwa wa mašaledi di swanetše go laolwa ka mokgwa woo o boletšwego setsheng sefe goba sefe ka lebaka leo ka go lenaneo la taolo ya tikologo leo go bolelwago ka lona.
Ga go motho yoo a swanetšego go lahla mokgobo wa mašaledi goba mogogolwa ma mašaledi nakwana goba leruri setsheng sefe goba sefe ntle le setsheng seo se akantšwego ka go karolwana 1.
Setifikeiti sa tokollo
Mong wa tokelo ya go nyaka diepšane, tokelo ya go epa phemiti ya tshwaro goba phemiti ya go epa o dula a rwele maikarabelo a tshenyo efe goba efe ya tikologo, tšhilafatšo goba nyenyefatšo ya ikholotši, le taolo ya gona, go fihla ge Tona e ntšhitše setifikeiti sa tokollo go mong yoo a amegago.
Ka kgopelo yeo e ngwadilwego fase ya tokelo ya go nyaka diepšane, tokelo ya go epa goba phemiti ya go epa ka mokgwa woo o boletšwego, Tona e ka no šuthišetša merwalo ya tikologo le maikarabelo, go ya ka moo di tla bego di šupilwe ka gona ka go lenaneo la taolo ya tikologo le maano afe goba afe a kutollo ao a boletšwego go motho wa go ba le mangwalo ao a boletšwego.
Mong wa tokelo ya go nyaka diepšane, tokelo ya go epa, phemiti ya tshwaro goba phemiti ya go epa goba motho yoo a akantšwego ka go karolwana 2, go ya ka moo go tla bego go le ka gona, o swanetše go dira kgopelo ya setifikeiti sa tokollo ge -
a go fela, go tlogelwa goba go phumolwa ga tokelo goba phemiti ye e amegago b go emišwa ga tshepetšo ya gagwe ya go nyaka diepšane goba ya go epa;
c go neelwa ga karolo efe goba efe ya lefelo la go nyaka diepšane; goba la go epa, goba d go fetšwa ga maano ao a boletšwego a go tswalela ga lefelo la go nyaka diepsane goba la go epa.
Kgopelo ya setifikeiti sa tlogelo e swanetše go dirwa go Molaodi wa Selete yoo naga e lego seleteng sa gagwe lebakeng la matšatši a 180 a go hlaga ga go feta, go lahlwa, go fedišwa, go emišwa, go neelwa goba tsošološo yeo e akantšwego ka go karolwana 3 gape e sepele le pego ya diphonkgelo tša tikologo yeo e boletšwego.
Ga go setifikeiti sa tlogelo seo se tla fiwago ka ntle ge ge Mohlahlobi
Mogolo le Kgoro ya Merero ya Meetse le tša Dikgwa ba netefaditše ka go ngwala fase gore dikgonegišo tša go amana le maphelo le polokego ya tšhilafatšo yeo e kgonegago go methopo ya meetse e ahlaahlilwe.
Ge Tona e ntšha setifikeiti sa tlogelo, e swanetše go bušetša karolo ya kgonegišo ya ditšhelete yeo e akantšwego ka go karolo 41 ka ge e ka no ba e sa šomišwe go mong wa tokelo ya go nyaka diepšane, tokelo ya go epa, phemiti ya tshwaro goba phemiti ya go epa.
Go tlošwa ga meago, dipopego le dilo tše dingwe
Ge tokelo ya go nyaka diepšane, tokelo ya go epa, phemiti ya tshwaro goba phemiti ya go epa e feta, e fedišwa goba e lahlwa goba tshepetšo efe goba efe ya go nyaka diepšane goba ya go epa e fela, mong wa tokelo efe goba efe ye bjalo ga se a swanele go senya goba go tloša moago ofe goba ofe, popego goba selo -
a seo e lego gore, go ya ka molao ofe goba ofe, ga se se swanele go thubiwa goba go tlošwa;
b seo se šupilwego ka go ngwalwa fase ke Tona ka mabaka a karolo ye; goba c seo se swanetšego go bolokwa go ya ka kwano gare ga moswari le mong goba modudi wa naga, gomme kwano yeo e netefaditšwe ke Tona ka go ngwala fase.
Maatla a Tona go tloša ditshenyegelo ge go ena le magato a tšhoganetšo a phekolo
Ge tshepetšo efe goba efe ya go nyaka diepšane goba ya go epa e baka goba e dira gore go be le nyenyefatšo ya ikholotši, tšhilafatšo goba tshenyo ya tikologo yeo e ka no gobatšago maphelo goba go ba gabotse gwa mang le mang gomme e nyaka magato a tšhoganetso a phekolo, Tona e ka no lebiša mong go tokelo goba phemiti ya maswanedi go -
a nyakišiša, go lekanyetša, go sekaseka le go bega ka thulano ya tšhilafatšo efe goba efe goba nyenyefatšo ya ikholotši;
b tšea magato ao a tla bago a šupilwe ka gare ga taelo yeo; le c go fetša magato a bjalo pele ga tšatši leo le boletšwego ka gare ga taelo.
a Ge mong a palelwa ke go šala morago ditaelo, Tona e ka no tšea magato ao a hlokegago go šireletša maphelo le go ba gabotse ga motho ofe goba ofe yoo a amegago goba go phekola nyenyefatšo ya ikholotši le go emiša tšhilafatšo ya tikologo.
b Pele Tona e diragatša magato afe goba afe, o swanetše go dumelela mong sebaka sa gore a dire ditlhagišo go yena.
c Tona e ka no šomiša ditšhelete tšeo di abetšwego lebaka leo ke
Palamente go diragatša magato ao a akantšwego ka go temana (a).
d Tona e swanetše go humana ditšhelete tšeo di šomišitšwego go ya ka temana (c) go tšwa go mong yoo a amegago.
Maatla a Tona go phekola tshenyo ya tikologo mabakeng a mangwe
Ge Tona e laela gore magato ao a akantšwego ka go karolo 45 a swanetše go tšewa go thibela tšhilafatšo goba nyenyefatšo ya ikholotši ya tikologo goba go tsošološa ditiragalo tša go ba kotsi empa a netefatša gore mong wa tokelo ya go nyaka Diminerale ya maswanedi, tokelo ya go epa, phemiti ya tshwaro goba phemiti ya go epa go ya ka moo go tla bago go le ka gona, goba yoo a mo latelago ka thaetlele, o hlokofetše goba a ka se kgone go humanwa, goba, lebakeng la motho wa taolelo, ga a sa le gona, ga a sa na tšhelete goba ga a kgone go humanwa, Tona e ka no laela Molaodi wa Selete yoo a amegago go tšea magato ao a tlhokegago go thibela tšhilafatšo ya go ya pele, goba go dira gore lefelo le bolokege.
Magato ao a akantšwego ka go karolwana 1 a swanetše go lefelelwa go tšwa go kgonegišo ya ditšhelete yeo e dirilwego ke mong ya tokelo ya maswanedi ya go nyaka diepšane, tokelo ya go epa, phemiti ya tshwaro goba phemiti ya go epa go ya ka karolo 38, goba, ge e le gore ga go na kgonegišo ye bjalo goba ge e le gore ga se e lekane, go tšwa go tshelete yeo e beetšwego mabaka a bjalo ke Palamente.
a Morago ga go fetša magato ao a akantšwego ka go karolwana 1, Molaodi wa Selete yoo a akantšwego ka go karolwana seo o swanetše go dira kgopelo go morejistara yoo a amegago gore mangwalo a naga yeo go bolelwago ka yona a netefatšwe gore naga ye bjalo e phekotšwe bjalo ka ge go akantšwe ka go karolwana 1.
b Morejistra yoo a amegago, o swanetše gore, ge a humana kgopelo ye bjalo yeo e akantšwego ka go temana a, a dire dinetefatšo tše bjalo tšeo a bonago di tlhokega gore a fe maatla dikgonegišo tša temana yeo, gomme ga go tefišo ya kantoro goba ye nngwe yeo e lefšwago go morejistara mabapi le netefatšo ye bjalo.
Maatla a Tona go fega goba go fediša tokelo ya go nyaka diepšane, tokelo ya go epa, phemiti ya go epa goba phemiti ya tshwaro
Go ya ka dikarolwana , le , Tona e ka no fediša goba la fega tokelo efe goba efe ya go nyaka diepšane, tokelo ya go epa, phemiti ya moepo gona phemiti ya tshwaro ge e le gore mong wa yona -
a o sepetša tshepetšo ya go nyaka diepšane goba ya go epa ka mokgwa woo o tlolago Molao wo;
b o roba mabaka le ditlamo dife goba dife tša tokelo ye bjalo;
c ga a nyake diepšane goba go epa mothopo wa minerale ka moo go fago dipoelo tše kaone kudu;
d o tlola lenaneo la taolo ya tikologo leo le dumeletšwego; goba e o tlišitše tshedimošo yeo e sa nepegago, yeo e fošagetšego le yeo e sego ya nnete mabapi le taba efe goba efe yeo e nyakegago gore e tlišwe ke Molao wo.
Pele ga go dira ka fase ga karolwana 1, Tona e swanetše go -
a fa tsebišo yeo e ngwadilwego fase go mong yeo e bontšhago maikemišetšo a go fega goba go fediša tokelo;
b hlaloša gore ke ka baka la eng a akanya go fega goba go fediša tokelo; le c fa mong sebaka sa go bontšha gore ke ka baka la eng tokelo ya go nyaka diepšane goba tša go epa e swanetše go fegwa goba go fedišwa.
Tona e ka no laela mong go tšea magato ao a boletšwego go phekola kganetšo efe goba efe, tlolo goba palelo.
Ge mong a sa šale morago ditaelo tšeo di filwego ka fase ga karolwana 3, Tona e ka no dira ka fase ga karolwana 1 kgahlanong le mong morago ga go -
a fa mong sebaka sa go dira ditlhagišo; le b tšeela hlogong ditlhagišo dife goba dife tše bjalo.
Ka tsebišo yeo e ngwadilwego fase, Tona e ka no fediša phego ge e le gore mong -
a o šala morago taelo yeo e akantšwego ka go karolwana 3; goba b fa mabaka a go kwala a go fedišwa ga phego.
Kgaoletšo goba kganetšo ya go nyaka diepšane goba go epa nageng ye nngwe
Go ya ka karolo 20 ya Molao wa Diphaka tša Setšhaba, 1976 (Molao wa Nomoro ya 57 wa 1976), le karolwana , ga go tokelo ya go nyaka diepšane, tokelo ya go epa goba phemiti ya go epa yeo e swanetšego go ntšhwa mabapi le -
a naga yeo e nago le lekeišene;
b tsela efe goba efe ya setšhaba, seporo goba mabitla c lefelo le fe goba le fe leo le šomišwago mabakeng a setšhaba goba a mmušo goba le beilwe go ya ka molao ofe goba o fe: goba d mo lefelong leo le kgethilwego ke Tona ka tsebišo ka gare ga Kasete go ya ka karolo ya 46.
Tokelo ya teko-nyakišišo, tokelo ya go epa, goba tumelelo ya go epa di ka fiwa mabapi le lefelo leo le boletšwego go karolwana ya 1 ge Tona e kgotsofetše gore –
a ge go elwa hloko tšweletšo yeo e šomegago ya methopo ya minerale yeo le dikgahlego tša setšhaba, go a nyakega go ka fana ka yona;
b teko-nyakišišo, le go epa go tla dirwa ka gare ga melaotshepetšo ya taolo ya tikologo ya bosetšhaba, melaosetšo le maemo; le c gore go fana ka ditokelo le ditumelelo tšeo go ka se ame gampe dikgahlego tša mong tokelo ya nyakišišo goba tokelo ya go epa.
Maatla a Tona go ganetša goba go bea mapheko a go dira diteko nyakišišo goba go epa
Go ya ka karolwana ya , Tona e ka re nako le nako ka tsebišo ka go Kasete, a etše hloko dikgahlego tša bosetšhaba le nyakego ya tšweletšo yeo e šomegago ya methopo ya minerale, a ganetša goba a bea mapheko go tumelelo ya tokelo ya teko nyakišišo efe goba e fe, tokelo ya go epa goba tumelelo ya go epa mabapi le lefelo leo le kgethilwego ke Tona, nakong yeo le mabakeng ao le magoreng ao a ka bewago ke Tona.
Tsebišo yeo e boletšwego ka go karolwana ya 1 ga e ame diteko nyakišišo tša godimo goba ka tlase ga lefase, tšeo letšatšing la tsebišo e lego morero wa tokelo ya teko nyakišišo, tokelo ya go epa, tokelo ya go ba mong goba tumelelo ya go epa.
Tona e ka nyakišiša tiragalo, mokgwa le bontši bja methopo ya diminerale
Tona e ka dira gore go dirwe dinyakišišo lefelong le fe goba le fe go netefatša ge e le gore go na le tlholego ya diminerale goba maswika a mangwe ka godimo le ka tlase ga lefelo leo, mme ge go le bjalo, la go netefatša mohuta le bontši bja tšona.
a Tona e swanetše go hlatswa mong naga yo a amegago diatla ge e le gore go na le ditshenyagalelo le tshenyego tšeo di diregilego nakong ya dinyakišišo tšeo di boletšwego ka go karolwana ya 1.
b Tona e mong naga ba ka kwana ka hlatswadiatla yeo e swanetšego go lefelwa.
c Ge go se na kwano yeo e fihleletšwego, tšhelete ya hlatswadiatla e swanetše go bewa ke ba tamolo ya dikgagano go ya ka Molao wa Tamolo, 1965 Molao wa Nomoro ya 42 wa 1965, goba ke kgoro ya tsheko yeo e nago le bokgoni, ge mong naga a ikgethela bjalo.
Ga go dinyakišišo tšeo di swanetšego go dirwa ka tlase ga karolwana ya 1 ntle le ge -
a Tona e tsebagaditše ka go Kasete –
i a bontšha maikemišetšo a go dira dinyakišišo ii a mema ditshwaetšo tšeo di ngwetšwego ka ga dinyakišišo tšeo di šišintšwego, a bontšha aterese yeo le letšatši leo ditshwaetšo di swanetšego go išwa; le iii go ipiletša go mong naga, modudi, goba motho yo a laolago lefelo leo go fana ka dintlha tša gagwe go Tona, ge mong naga, modudi, goba motho yo a laolago a sa tsebje ke Tona;
b Tona e šetše le senkile ditshwaetšo tšeo di amogetšwego; mme c lebaka la matšatši a 30 le fetile go tloga mola Tona e kwalakwatšago tsebišo.
a Ga go motho yo, ka mabaka a dinyakišišo tšeo di boletšwego ka go karolwana ya 1, a ka tsenago lefelong ntle le ge mong naga, modudi, goba motho yo a laolago lefelo leo a tsebišitšwe ka go ngwala ka ga maikemišetšo a go tsena le go dira dinyakišišo.
b Ge mong naga, modudi, goba motho yo a laolago lefelo leo le angwago, a sa kgone go hwetšwa, kgatišo ya tsebišo yeo e boletšwego ka go temana ya a e swanetše go bewa mo e bonagalago lefelong leo pele go dirwa dinyakišišo.
Nyakišišo efe goba efe go ya ka karolo e swanetše go dirwa ka mokgwa wo e beago mapheko goba e thibelago ditlamorago di fe goba di fe go lefelo le tikologo.
Go epa methopo ya diminerale ka tlhokomelo
Go ya ka karolwana ya , Lekgotla le ka šišinya go Tona go laela mong tokelo ya go epa go tšea magato a tokišo ge Lekgotla le netefatša gore diminerale ga di epje ka tshwanelo le gore go tšwetša pele ka mediro yeo go tla ba le ditlamorago tše mpe tšeo di tla amago maikemišetšo ao a bolelwago go karolo ya 2(f).
Pele go dirwa ditšhišinyotaelo, Lekgotla le swanetše go ela hloko gore methopo ya seteginiki le ya ditšhelete ya mong tokelo ya go epa yoo a amegago le maemo a nako yeo a mmaraka a sepelelana le ditšhišinyotaelo tšeo.
a Ge Tona e dumelelana le ditšhišinyotaelo tšeo, o swanetše gore matšatšing a 30 go tloga mola a hwetšago ditšhišinyotaelo tša Lekgotla, ka go ngwala a tsebiše mong gore o swanetše go tšea magato a tokišo bjalo ka ge a beilwe ka go tsebišo mme o swanetše go lokiša maemo ao lebakeng leo le boletšwego ka go tsebišo.
b Tona e swanetše go fa mong sebaka sa go ala taba ya gagwe mabapi le dikutollo tša Lekgotla matšatšing a 60 go tloga letšatšing la tsebišo mme a bontšhe gore ge a sa obamele tsebišo, seo se ka hlola gore tokelo ya gagwe ya go epa e fegwe goba e phumulwe.
Tona e ka, ka ditšhišinyotaelo tša Lekgotla, fega goba la phumula tokelo ya go epa ge -
a mong wa tokelo yeo ya go epa a retelelwa ke go obamela tsebišo yeo e bolelwago ka go karolwana ya 3; le b ge, a etše hloko ditlhalošo tša mong, Tona e kgotsofetše gore modiro ofe goba ofe goba tlogelo ya mong e netefatša phego goba phumulo ya tokelo
Tona e ka, ka ditšhišinyotaelo tša Lekgotla, fediša phego ya tokelo ya go epa ge mong yo a amegago a -
a obamela tsebišo yeo e bolelwago ka go karolwana ya 3b; goba b fana ka mabaka ao a kgotsofatšago go ka fediša phego.
Tsebišo ya dipoelo le phokotšo ya mediro ya go epa yeo e amago bašomi
mong tokelo ya go epa o swanetše go tsebiša Lekgotla ka mokgwa wo o beilwego –
a mo maemo a ekonomi a nakong yeo a hlolago poelo go rešio ya matlotlo a moepo wo o amegago go ba ka tlase ga diperesente tše tshelelago ka kakaretšo lebakeng leo le tšwelago pele la dikgwedi tše 12; le b ge modiro ofe goba ofe wa go epa o swanetše go fokotšwa goba go emišwa ka dikgonagalo tša gore diperesente tše 10 goba go feta tša maatla a bašomi goba bašomi ba go feta 500, se sengwe seo se ka fetago fao, ba ka swanelwa ke go fokotšwa lebakeng la dikgwedi tše 12.
Lekgotla le swanetše go nyakišiša khuetšo ya ditlhalošo tša seemo seo se bolelwago go karolwana ya 1 go tša ekonomi le phedišano le tša mešomo, mme le dire ditšhišinyotaelo go Tona.
a Tona e ka, ka tšhišinyo ya Lekgotla morago ga go ikopanya le Tona la tša Mešomo, laela ka go ngwala gore mong tokelo ya go epa yo a amegago a tšee magato a tokišo go ya ka ditaelo le magora ao a tlago laelwa ke Tona.
b Mong tokelo ya go epa o swanetše go obamela ditaelo mme a netefatše ka go ngwala gore magato a tokišo a diragaditšwe.
Tšhomišo ya ditokelo tša bogodimo bja lefase kgahlanong le maikemišetšo a Molao
Go ya ka karolwana ya , motho ofe goba ofe yo a akanyago go šomiša bogodimo bja lefelo ka mokgwa wo mongwe wo o lego kgahlanong le Molao wo goba wo o ka thibelago maikemišetšo ao, o swanetše go dira kgopela go Tona ka mokgwa wo o beilwego.
Karolwana ya 1 ga e ame –
a temo le tšhomišo efe goba efe yeo e swanago le yeo;
b tšhomišo ya lefelo le fe goba le fe leo le lego ka gare ga lenaneo la peakano ya toropo;
c tšhomišo ya lefelo go ya ka magora, ditirelo, tshwaraganyo ya motoketši mortgage bond goba tokelo efe goba efe yeo e ngwadišitšwego mabapi le bong bja lefelo leo;
d tšhomišo efe goba efe yeo Tona e ka e laelago ka tsebišo ka go Kasete.
Ntle le karolwana ya 1, Tona e ka re ka thato ya gagwe, a dira gore go nyakišišwe ge e le gore go na le kgonono ya gore motho o nyaka go šomiša bgodimo bja lefelo mo go tla hlolago kamego ye mpe ya go epa methopo ya minerale.
Ge dinyakišišo di dirwa go ya ka karolwana ya 3, Molaodi wa Selete o swanetše gore -
a ka tsebišo yeo e ngwetšwego yeo e filwego motho yo a amegago, a tsebiše motho yo a gononelwago le ka maikemišetšo a Tona a go ntšha taelo ya go tšea magato a tokišo;
b a bee magato ao a swanetšego go tšewa go lokiša taba yeo; le c go fa motho yoo sebaka sa go ikarabela mo lebakeng leo le beilwego ka go tsebišo, leo le ka se bego ka tlase ga matšatši a 30.
Ka morago ga go ela hloko dipoelo tša dinyakišišo tšeo di bolelwago ka go karolwana ya 3, le dithlalošo tšeo di bolelwago ka go karolwana ya 4c, Tona e ka laela motho yo a amegago go tšea magato ao a swanetšego lebakeng leo le beilwego ka go taelo.
Hlatswadiatla yeo e lefelwago ka tlase ga mabaka a itšeng
Mong tokelo ya diteko nyakišišo, tokelo ya go epa goba tumelelo ya go epa o swanetše go tsebiša Molaodi wa Selete yo a amegago ge e le gore mong yoo o thibelwa go thoma mediro ya doteko nyakišišo goba ya go epa ka lebaka la gore mong goba modudi wa semolao wa lefelo leo le amegago –
a o gana go dumelela mong yoo go tsena lefelong;
b o bea dinyakwa tšeo di sa amogelegego go hwetša tsela ya go tsena lefelong; goba c ga a hwetšagale go ka kgopelwa tumelelo ya go tsena
Molaodi wa Selete o swanetše gore ka matšatši a 14 go tloga go letšatši la tsebišo leo le bolelwago ka go karolwana ya 1, a bitše mong wa lefelo goba modudi wa semolao wa lefelo go -
a hlagiša tlhalošo mabapi le dintlha tšeo di hlagišitšwego ke mong tokelo ya diteko nyakišišo, tokelo ya go epa goba tumelelo ya go epa;
b tsebiša mong yoo goba modudi ka ga ditokelo tša mong tokelo ya diteko nyakišišo, tokelo ya go epa goba tumelelo ya go epa tšeo di bolelwago ka go Dikarolo tša 5, 16, 22 le 246.
c hlaloša dikgontšhi tša Molao wo tšeo mong yoo goba modudi woo a di tshelago; le d go tsebiša mong yoo goba modudi ka ga magato ao a ka tšewago, ge a ka tšwela pele ka go tshela ditlhalošo tša dikgontšhi.
Ge Molaodi wa Selete, morago ga ge a etše hloko dintlha tšeo di hlagišitšwego ke mong ka tlase ga karolwana ya 1 le ditlhalošo di fe goba di fe tšeo di dirilwego ka go ngwalwa le mong wa lefelo goba modudi wa semolao wa lefelo, a phetha ka gore mong lefelo goba modudi o hloletšwe goba o tla hlolelwa ditshenyagalelo le tshenyego ka lebaka la mediro ya diteko nyakišišo goba ya go epa, o swanetše go kgopela mahlakore ao a amegago go leka go fihlelela kwano ya go lefela hlatswadiatla ya ditshenyagalelo le tshenyego yeo.
Ge mahlakore a palelwa ke go fihlelela kwano, hlatswadiatla e swanetše go bewa ke molamodi go ya ka Molao wa Bolamodi, 1965 Molao wa 42 wa 1965, goba ke kgoro ya tsheko yeo e nago le bokgoni ge lehlakore le lengwe le kganyoga bjalo.
Ge Molaodi wa Selete, a etše hloko dintlha tšeo di hlagišitšwego ke mong ka tlase ga karolwana ya le ditlhalošo di fe goba di fe tšeo di dirilwego ke mong wa lefelo goba modudi wa semolao wa lefelo le tšhišinyo efe goba efe ye e ngwadilwego ya Komiti ya Selete ya tša Tlhabollo ya Meepo le Tikologo, a tšea sephetho sa gore ditherišano dife goba dife tše di tšwelago pele di ka ba le khuetšo e mpe maikemišetšong a Molao wo o boletšwego karolong 2(c), (d), (f) goba (g), Molaodi wa Selete a ka šišinya go Tona gore lefelo leo le tšewe go ya ka karolo ya 52.
Ge Molaodi wa Selete a bona gore go retelelwa ga mahlakore go fihlelela kwano goba go rarolla kgagano ke ka lebaka la phošo ya mong tokelo ya diteko nyakišišo, tokelo ya go epa goba tumelelo ya go epa, Molaodi wa Selete a ka re ka go ngwala a thibela mong yoo go thoma goba go tšwela pele ka mediro ya diteko nyakišišo goba ya go epa mo lefelong leo le amegago go fihlela nako yeo kgagano e rarollwa ke ba tamolo goba kgoro ya tsheko yeo e nago le bokgoni.
Maatla a Tona go tšea thoto mabakeng a go dira diteko nyakišišo goba go epa
Ge go hlokagala mabakeng a go fihlelela maikemišetšo a Molao wo, Tona e ka, go ya ka karolo ya 25 le sa Molaotheo, tšea lefelo goba tokelo efe goba efe ya lona mme a lefa hlatswadiatla mabapi le seo.
a Dikarolo tša 6, 7 le 91 tša Molao wa Tšewo ya Naga, 1975 Molao wa Nomoro ya 63 wa 1975, o šoma go tšewo efe goba efe go ya ka Molao wo.
b Mo seripeng seo se boletšwego, "Tona" e swanetše go kwešišwa e le Tona.
KGAOLO 5
LEKGOTLA LA DIMINERALE LE TŠWETŠOPELE YA GO EPA
Tlhamo ya Lekgotla la Diminerale le Tšwetšopele ya go Epa
Lekgotla la Diminerale le Tšwetšopele ya go Epa le a hlangwa.
Mošomo wa Lekgotla
Lekgotla -
a le swanetše go eletša Tona ka -
i morero ofe goba ofe wo o swanetšego go išwa go Lekgotlake goba ka tlase ga Molao wo;
ii tšweletšo yeo e šomegago ya methopo ya setšhaba ya diminerale;
iii kagoleswa le phokotšo ya intaseteri ya Diminerale le meepo;
iv tharollo ya dingangišano; le b Le swanetše gore, ka ditherišano le Lekgotla la Mangwalo a tša Meepo le kgonthiše tšwetšopele ya tlhabollo ya mehlodi ya tša bašomi le intasetering ya diepšane le meepo; le gona c le ka -
i bega go Tona ka ga morero ofe goba ofe wo o amanago le tiragatšo ya Molao wo; le ii go nyakišiša ka ga pego yeo e išwago go Tona ka ga merero ya mabapi le maikemišetšo a Molao wo.
Lekgotla le swanetše go fa maemo a pele merero yeo e fetišetšwago go lona ke Tona.
Sebopego sa Lekgotla
Lekgotla le na le maloko ao a sego ka tlase ga 14 mme a sa fete
Tona e swanetše go thwala bjalo ka maloko a Lekgotla -
a Modulasetulo b Mohlahlobimogolo c Batho bao ba sa fetego ba 12 bao ba emetšego kgoro ya Mmušo yeo e amegago, ba tša mešomo yeo e itlhophilego, ba kgwebo yeo e itlhophilego, mokgatlo ofe goba ofe wo e sego wa mmušo wo o amegago le mokgatlo ofe goba ofe wa selegae wo o amegago; le d Batho bao ba sa fetego ba bane bao ba nago le boitemogelo bja maleba, botsebi goba bokgoni go thuša bokgoni bja Lekgotla go diragatša mešomo ya lona ka bokgwari.
Maloko a Lekgotla a swanetše go kgetha mothuša modulasetulo go tšwa go bao ba lego gona kopanong ya bona ya mathomo.
Go kgaolwa ga maloko
Ga go motho yo a swanetšego go kgethwa bjalo ka leloko la Lekgotla -
a ntle le ge e le modudi wa Afrika Borwa yo a dulago mono Repabliki go ya go ile; goba b ge e le gore –
i o lahlegetšwe ke ditšhelete mo a ke hlwelego a hwetša thušo;
ii o tsebagaditšwe a sa felela ka hlogong ke kgoro ya mono
Repabliki ;
iii o ile a swarwa ka molato wo a o dirilego ka morago ga go tsenya tirišong Molaotheo wa Repabliki ya Afrika Borwa, 1993 (Molao wa Nomoro ya 200 wa 1993), mme a išwa kgolegong ntle le tefo, ntle le ge motho a hweditše tumelelo ya tshwarelo goba tshwarelo thwii pele ga letšatši la thwalo ya gagwe.
Go tlogela kantoro
Leloko la lekgotla le swanetše go tlogela kantoro ya gagwe ge –
a kgakgaolwa go ya ka mo go hlalošwago go karolo ya 56, goba mo mabakeng a mohlankedi yo a šomelago Mmušo, e sa hlwele e le mohlankedi;
b sa iponatša kopanong ya go feta e tee goba tše pedi tša Lekgotla ka go latelana ntle tumelelo ya Lekgotla;
c fana ka tebogo ya mošomo ka go ngwala go Tona mme Tona e dumela tebogo ya mošomo; goba d tlošitšwe kantorong ke Tona ka tlase ga karolwana ya 2.
Tona e ka tloša leloko le fe goba le fe la Lekgotla kantorong –
a ka mabaka a maitshwaro mabe goba go se na bokgoni bja go diragatša mošomo wa kantoro ya gagwe ga botse; goba b ge e le gore leloko le ikamagantše le mediro ye mengwe yeo e ka amago botshepegi bja Lekgotla gampe, mediro yeo e ka akaretša –
i gore go dirwe dinyakišišo, tsheko goba sephetho mabapi le morero wo motho yoo a nago le dikgahlego tša ditšhelete go wona goba dikgahlego tša gagwe ka yena;
ii go diriša ga poraebete ga, goba go hwetša dipoelo go tshedimošo ya sephiri yeo e hweditšwego ka go šoma mešomo ya gagwe bjalo ka leloko la Lekgotla; goba iii go utolla tshedimošo yeo e bolelwago go temana ya ii go motho ofe goba ofe wa boraro, ntle le ge go nyakwa ke goba ka tlase ga Molao wo goba Molao wa go Kgontšha Phihlelelo go Tshedimošo, 2000 Molao wa Nomoro ya 2 wa 2000.
Lebaka la kantoro le go tlatša dikgoba
Leloko la Lekgotla le ba kantorong lebaka la go se fete mengwaga ye meraro.
Tona e ka thwala gape leloko la Lekgotla ge nako ya gagwe ya ka kantorong e fela lebakeng gape la go se fete mengwaga ye meraro.
Ge leloko la Lekgotla le tlogela kantoro goba le hlokafala, Tona e ka tlatša sekgoba ka go thwala motho go ya ka karolo ya 552 go seripa seo se bego se šetše sa lebaka la yo a mo latelago la kantoro.
Dikopano tša Lekgotla
Modulasetulo o swanetše go bitša dikopano tša Lekgotla.
Tona e ka, ge a bona go swanetše, bitša kopano yeo e ikgethilego ya Lekgotla.
Modulasetulo goba, ge Modulasetulo a se gona, Mothuša Modulasetulo o swanetše go dula setulo mo kopanong ya Lekgotla.
Ge bobedi Modulasetulo le Modulasetulo Mothuša a se gona kopanong, maloko ao a lego gona a swanetše go kgetha o tee wa bona bjalo ka modulasetulo wa motšwa -o -swere mo kopanong yeo.
Khoramo ya kopano ye nngwe le ye nngwe ya Lekgotla ke maloko a seswai.
Sephetho sa bontši bja maloko bja Lekgotla ao a lego gona kopanong se tšewa bjalo ka kwano ya Lekgotla, mme ge diboutu ka ga morero wo mongwe di sa lekane, motho yo a ditšego setulo mo kopanong yeo o na le boutu yeo e balwago.
Modulasetulo o swanetše go iša tšhišinyo efe goba efe ya Lekgotla go Tona ka matšatši a šupa ka morago ga ge sephethokwano se dumeletšwe ke Lekgotla.
Dikomiti tša Lekgotla
Lekgotla le swanetše go hlama Komiti ya Selete ya Tšwetšopele ya Meepo le Tikologo ka mokgwa wo o ka bewago Selete ka Selete ka moo go boletšwego go karolo ya 7.
Lekgotla le ka hlama dikomiti tša go swana le tšeo ka nako yeo di nyakegago goba tša lebaka ka moka bjalo ka ge go ka nyakega go le thuša tiragatšong ya mešomo ya lona, mme komiti yeo e ka akaretša maloko ao e sego maloko a Lekgotla.
Komiti yeo e hlamilwego ka tlase ga karolwana ya 2 e ka, go ya ka tumelelo ya Lekgotla, hlama sehlopha sa mošomo sa nako yeo go thuša go phethagatša mošomo wa yona, mme sehlopha seo sa tšhomo se ka akaretša batho bao e sego maloko a komiti yeo goba Lekgotla.
Ge komiti ya sehlopha sa mošomo e na le maloko ao a lego ka godimo ga le tee, Lekgotla le swanetše go bea leloko la komiti yeo goba sehlopha seo sa mošomo bjalo ka modulasetulo.
Komiti goba sehlopha sa mošomo se na le maikarabelo go Lekgotla.
Thušo yeo e bolelwago go dikarolwana tša 2 le 3 ga e fediše maikarabelo a Lekgotla go mešomo ya lona ka tlase ga Molao wo.
Go tlabela Lekgotla ka Ditšhelete
Ditshenyagalelo tša Lekgotla di swanetše go hwetšwa go tšhelete yeo e beakanyeditšwego ke Palamente go Kgoro ya Diminerale le Enetši lebakeng leo.
Tefelo ya maloko a Lekgotla, dikomiti le dihlopha tša mošomo
Leloko la Lekgotla, komiti goba sehlopha sa mošomo, ntle le leloko leo le lego mošomi wa lebaka ka moka wa Mmušo, le swanetše go thwalwa ka magora ao, go akaretšwa magora ao a amanago le tefelo ya meputso le tšhelete ya go thuša tiro (allowances), bjalo ka ge Tona ya ka bea ka poledišano le Tona ya tša Ditšhelete.
Dipego tša Lekgotla
Godimo ga dipego tše dingwe tšeo di itšeng tšeo Tona e ka di kgopelago go tšwa go Lekgotla nako le nako, Lekgotla le swanetše gore ngwaga wo mongwe le wo mongwe pele ga 31 Matšhe le iše pego go Tona, le hlaloša mediro ya Lekgotla mo ngwageng pele ga letšatši leo mme e swanetše go akaretša lenaneopeakanyo la kgwebo la ngwaga wo o latelago.
Mešomo ya taolo
Mešomo ya taolo ya Lekgotla e swanetše go dirwa ke bahlankedi ba Lefapha bao ba filwego maatla ke Molaodikakaretšo go phethagatša seo.
KGAOLO 6
DITEKO NYAKIŠIŠO LE TŠWELETŠO YA PETROLEAMO
Kgaolo ye e kgontšha tumelelo ya ditokelo tša diteko nyakišišo le ditokelo tša tšweletšo le go fana ka mangwalo a tumelelo ya tšhomišanommogo ya seteginiki le mangwalo a tumelelo ya dinyakišišo.
a Mabakeng a Kgaolo ye, dikgontšhi tša Temana ya 2, dikarolo 9, 10, 11, 12, 23, 34, 35, 36, 37, 40, 41, 43, 44, 45, 46, 47, 50, 51, le 52 Kgaolo le ya 7 di šoma le diphetogo tšeo di lebanego.
b Tlhalošo efe goba efe ka go dikgontši tšeo di bolelwago ka go temana ya a go -
i Diminerale , e swanetše go kwešišwa bjale ka ge e e ra petroleamo;
ii go epa, e swanetše go kwešišwa bjale ka ge e e ra go tšweletša iii lefelo la go epa, e swanetše go kwešišwa bjale ka ge e e ra lefelo la go tšweletša;
iv ditokelo tša go epa, e swanetše go kwešišwa bjale ka ge e e ra ditokelo tša go epa;
v dinyakišišo, e swanetše go kwešišwa bjale ka ge e e ra mediro ya diteko nyakišišo vi lefelo la go nyaka, e swanetše go kwešišwa bjale ka ge e e ra lefelo la diteko nyakišišo vii Ditokelo tša go nyaka diepšane di swanetše go kwešišwa bjale ka ge e e ra ditokelo tša diteko nyakišišo.
Mešomo ya Lekalatiro la Petroleamo
Lekalatiro la Petroleamo le swanetše go -
a hlohleletša diteko nyakišišo tša nageng le lebopong tša petroleamo;
b amogela dikgopelo tša tumelelo ya dinyakišišo, tumelelo ya tšhomišanommogo ya seteginiki, ditokelo tša diteko nyakišišo le ditokelo tša tšweletšo;
c sekaseka dikgopelo tšeo le go dira ditšišinyo go Tona;
d fana ka mangwalo a ditumelelo tša dinyakišišo le tšhomišanommogo legatong la Tona;
e lekola le go bega nako le nako go Tona mabapi le go latela dinyakwa tša tumelelo le ditokelo;
f amogela, go lota, go hlaloša, go sekaseka, go oketša mohola, go fetišetša pele le go šoma ka tshedimošo ka moka ya thutafase le sebopego mabapi le petroleamo yeo e filwego go ya ka karolo ya 83;
g tsebiša Tona ka ga tshedimošo mabapi le teko ya nyakišišo le tšweletšo ya petroleamo yeo e ka tšwelago Mmušo mohola;
h eletša le go dira ditšhišinyo go Tona ka ga hlokego ya thušo ya go diragatša mediro ya diteko nyakišišo tša petroleamo legatong la Mmušo;
i kgoboketša ditšhelete tšeo di beilwego le dikelo hloko mabapi le ditumelelo tša dinyakišišo, tumelelo ya tšhomišanommogo ya seteginiki, ditokelo tša diteko nyakišišo le ditokelo tša tšweletšo;
j senkaleswa le go dira ditšhišinyo go Tona mabapi le tumelelo ya porokerama ya taolo ya tikologo le diporokerama tša tšweletšo;
k dira mošomo ofe goba o fe, mabapi le petroleamo, yeo Tona a ka e laelago nako le nako.
Tlabelo ya tša ditšhelete ya Lekalatiro la Petroleamo
Tona e ka re, ka tšhomišano le Tona ya tša Matlotlo a bea tšhelete yeo e itšego go yeo e hwetšwago ke Lekalatiro la Petroleamo e swarwe ke Lekalatiro go ya ka Kgaolo ye gore le tlabele mediro ya lona go ya ka peakanyetšo ya ditšhelete ya ngwaga yeo e dumeletšwego ke Tona.
Tlhaelo efe goba efe ya Lekalatiro e swanetše go lefelwa ke [CEF Proprietary Limited] go ya ka karolo ya 12aiA ya Molao wa Ditšhelete tša Gare tša Enetši, 1977 Molao wa Nomoro ya 38 wa 1977.
Hlohleletšo ya dikgopelo
Tona e ka re, ka tsebišo ka go Kasete la mema dikgopelo tša ditokelo tša petroleamo go sekgao goba dikgao, mme a ka bontšha ka go tsebišo yeo lebaka leo ka lona kgopelo yeo e ka dirwago le melawana le magora ao ka go wona ditokelo tšeo di ka fiwago.
Lekalatiro la Petroleamo le re ka mokgwa wo mongwe la amogela dikgopelo tša ditokelo tša petroleamo mabapi le dikgao tšeo di sego tša mengwa bjalo ka ge go hlalošwa go karolwana ya 1
Kgopelo ya tumelelo ya dinyakišišo
Motho ofe goba ofe yo a kganyogago go dira kgopelo ya tumelelo ya nyakišišo go Tona, o swanetše go dira kgopelo -
a kantoro ya Lekalatiro la Petroleamo;
b ka mokgwa wo o beilwego; le c ga mmogo le tšhelete yeo e beilwego yeo e sa lefelwego morago.
Lekalatiro la Petroleamo le swanetše go amogela dikgopelo tša tumelelo ya dinyakišišo ge -
a dinyakwa tše di akantšwego karolwaneng i di a kgotsofatšwa; le b gore ga go na motho yo mongwe yo a swerego tumelelo ya tshomišanommogo ya seteginiki, tokelo ya diteko nyakišišo goba tokelo ya tšweletšo ya petroleamo mo lefelong leo le swanago.
Ge kgopelo e sa sepelelane le dinyakwa tša karolo ye, Lekalatiro la Petroleamo le swanetše go tsebiša mokgopedi ka ga ntlha yeo matšatšing a 14 morago ga kamogelo ya kgopelo yeo.
Ge Lekalatiro la Petroleamo le dumela kgopelo, Lekalatiro la
Petroleamo le swanetše gore mo matšatšing a 14 morago ga tumelelo ya kgopelo yeo le tsebiše mokgopedi ka go ngwala -
a go tliša porokerama ya taolo ya tikologo go ya ka karolo ya 36, mo lebakeng la matšatši a 120 go tloga letšatšing la tsebišo yeo mme b le ikopanye le mahlakore ao a nago le kgahlego le ao a amegago.
Go fana ka le lebaka la tumelelo ya diteko nyakišišo
Go ya ka karolwana ya , Tona e swanetše go fana ka tumelelo ya diteko nyakišišo ge -
a mokgopedi a na le phihlelelo ya methopo ya ditšhelete mme a na le bokgoni bja seteginiki go dira mediro yeo e akanywago ya dinyakišišo tša diteko;
b ditshenyagalelo tšeo di lekanyedišwego di sepelelana le mediro ya diteko nyakišišo tšeo di akantšwego le lebaka leo le tla tšeago phethagatšo ya porokerama ya dinyakišišo tša diteko;
c diteko nyakišišo di a se hlole tšhilafatšo yeo e ka se lokišwego , mathata a ekholotši goba tshenyo ya tikologo;
d mokgopedi a na le bokgoni bja go ka sepela ka dikgontšhi tša Molao wa tša Maphelo a Meepong le Polokego, 1996 Molao wa Nomoro ya 107 wa 1996; le e mokgopedi a sa tlole kgontšho efe goba efe ya Molao wo yeo e sepelelanago le seo;
Tona e swanetše go gana go fana ka tokelo ya tumelelo ya diteko nyakišišo ge kgopelo e sa kgotsofatše dinyakwa ka moka tšeo di bolelwago go karolwana ya 1.
Ge Tona e gana go fana ka tokelo ya tumelelo ya diteko nyakišišo, Tona e swanetše gore ka go ngwala le tsebiše mokgopedi mo matšatšing a 30 ka ga sephetho le mabaka a seo go tloga ge a tšea sephetho.
Tumelelo ya diteko nyakišišo yeo e fiwago go ya ka karolwana ya 1 e -
a ya ka melwana le magora ao a beilwego;
b šoma lebakeng leo le sa fetego ngwaga o tee;
c ga se tokelo ya bao ba itšego fela;
Kgopelo ya tumelelo ya tšhomišanommogo ya seteginiki
Motho ofe goba ofe yo a ratago go kgopela go Tona go mpshafatša tumelelo ya tšhomišanommogo ya seteginiki o swanetše go dira kgopelo -
a kantorong ya Lekalatiro la Petroleamo;
b ka mokgwa wo o beilwego; ga mmogo le c tšhelete yeo e sa bušetšwego morago ya kgopelo.
Lekalatiro la Petroleamo le swanetše go dumela kgopelo ya tumelelo ya tšhomišanommogo ya seteginiki ge -
a dinyakwa tše di ukangwago karolwaneng 1 di a kgotsofatšwa;
b go se na motho yo mongwe yo a swerego tumelelo ya tshomišanommogo ya seteginiki, tokelo ya hlohlomiso goba tokelo ya tšweletšo ya petroleamo mo lefelong leo le swanago.
Ge kgopelo e sa sepelelane le dinyakwa tša karolo ye, Lekalatiro la Petroleamo le swanetše go tsebiša mokgopedi ka ga ntlha yeo matšatšing a 14 morago ga kamogelo ya kgopelo yeo.
Go fana ka le lebaka la tumelelo ya tšhomišanommogo ya seteginiki
Go ya ka karolwana ya , Tona e swanetše go fana ka tumelelo ya tšhomišanommogo ya seteginiki ge -
a mokgopedi a na le phihlelelo ya methopo ya ditšhelete mme a na le bokgoni bja seteginiki go dira mediro yeo e akanywago ya go dira dinyakišišo tša tšhomišanommogo ya seteginiki b itshenyagalelo tšeo di lekanyedišwego di sepelelana le mediro ya dinyakišišo tša tšhomišanommogo ya seteginiki tšeo di akantšwego le lebaka leo le tla tšeago phethagatšo ya porokerama ya dinyakišišo tša tšhomišanommogo ya seteginiki; le c gore mokgopedi ga a tlole kgontšho efe goba efe ya Molao wo yeo e sepelelanago le seo;
Tona e swanetše go gana go fana ka tokelo ya tumelelo ya dinyakišišo tša tšhomišanommogo ya seteginiki ge kgopelo e sa kgotsofatše dinyakwa ka moka tšeo di bolelwago go karolwana ya 1.
Ge Tona e gana go fana ka tokelo ya tumelelo dinyakišišo tša tšhomišanommogo ya seteginiki, Tona e swanetše gore ka go ngwala le tsebiše mokgopedi mo matšatšing a 30 ka ga sephetho le mabaka a seo go tloga ge a tšea sephetho.
Tumelelo ya dinyakišišo tša tšhomišanommogo ya seteginiki yeo e fiwago go ya ka karolwana ya 1 e -
a ya ka melwana le magora ao a beilwego;
b šoma lebakeng leo le sa fetego ngwaga o tee;
c ga e neelanwe go ya ka karolo ya 12; le d ga e mpshafatšwe
Ditokelo le maswanedi a mong tumelelo ya dinyakišišo tša tšhomišanommogo ya seteginiki
Mong wa tumelelo ya dinyakišišo tša tšhomišanommogo ya seteginiki go ya ka karolo ya , o na le tokelo yeo e ikgethago go ka dira kgopelo le go fiwa tokelo ya diteko dinyakišišo mo lefelong la tumelelo nakong ya tshomišo ya tumelelo;
Mong tumelelo ya dinyakišišo tša tšhomišanommogo ya seteginiki o swanetše go -
a šoma ka dinyakišišo tša tšhomišanommogo ya seteginiki ka mehla le go ya ka lenaneo la mošomo;
le b sepela ka melawana le magora a tumelelo ya dinyakišišo tša tšhomišanommogo ya seteginiki le dikgontšhi tšeo di amanago le Molao wo;
Kgopelo ya tokelo ya diteko nyakišišo (tokelo ya hlohlomiso)
Motho ofe goba ofe goba mong wa tumelelo ya dinyakišišo tša tšhomišanommogo ya seteginiki yo a ratago go kgopela go Tona tokelo ya dinyakišišo o swanetše go dira kgopelo -
a kantorong ya Lekalatiro la Petroleamo;
b ka mokgwa wo o beilwego; ga mmogo le c tšhelete yeo e sa bušetšwego morago ya kgopelo.
Lekalatiro la Petroleamo le swanetše go dumela kgopelo ya tokelo ya dinyakišišo ge -
a mokgopedi a dirile kgopelo ka mokgwa wo o nyakegago;
b go se na motho yo mongwe yo a swerego tumelelo ya tshomišanommogo ya seteginiki, tokelo ya diteko nyakišišo goba tokelo ya tšweletšo mo lefelong leo le swanago.
Ge kgopelo e sa sepelelane le dinyakwa tša karolo ye, Lekalatiro la Petroleamo le swanetše go tsebiša mokgopedi ka ga ntlha yeo matšatšing a 14 morago ga kamogelo ya kgopelo yeo.
Ge Lekalatiro la Petroleamo le dumela kgopelo, Lekalatiro la
Petroleamo le swanetše gore mo matšatšing a 14 morago ga tumelelo ya kgopelo yeo le tsebiše mokgopedi ka go ngwala -
a a go tliša porokerama ya taolo ya tikologo go ya ka karolo ya 36, mo lebakeng la matšatši a 120 go tloga letšatšing la tsebišo yeo;
b mme le ikopanye le mahlakore ao a nago le kgahlego le ao a amegago.
Go fana ka le lebaka la tumelelo ya tokelo ya diteko nyakišišo (tokelo ya hlolomiso)
Tona e swanetše go fana ka tokelo ya diteko nyakišišo ge -
a mokgopedi a na le phihlelelo ya methopo ya ditšhelete mme a na le bokgoni bja seteginiki go dira mediro yeo e akanywago ya go phethagatša mediro ya diteko dinyakišišo ka tshwanelo.
b ditshenyagalelo tšeo di lekanyedišwego di sepelelana le mediro ya diteko dinyakišišo tšeo di akantšwego le lebaka leo le tla tšeago phethagatšo ya porokerama ya mošomo wa dinyakišišo;
c Tona e dumeletše porokerama ya taolo ya tikologo go ya ka karolo ya 363;
d mokgopedi a na le bokgoni bja go ka sepela ka dikgontšhi tša Molao wa tša Maphelo le Polokego ya Meepo, 1996 Molao wa Nomoro ya 29 wa 1996;
e mokgopedi a sa tlole kgontšho efe goba efe ya Molao wo yeo e sepelelanago le seo;
f mokgopedi a obamela melawana le magora a tumelelo ya tšhomišanommogo ya seteginiki ge go nyakega;
g gore go fana ka tokelo yeo go tla tšweletša pele maikemišetšo ao a hlalošwago go karolo ya 2d le f.
Tona e swanetše go gana go fana ka tokelo ya diteko nyakišišo ge kgopelo e sa kgotsofatše dinyakwa ka moka tše di boletšwego karolwaneng 1.
Ge Tona e gana go fana ka tokelo ya diteko nyakišišo, Tona e swanetše gore ka go ngwala le tsebiše mokgopedi mo matšatšing a 30 ka ga sephetho le mabaka a seo go tloga ge a tšea sephetho.
Tokelo ya diteko nyakišišo e ya ka melawana le magora mme e šoma lebaka leo le beilwego ka go tokelo, lebaka leo le sa fetego mengwaga ye meraro.
Kgopelo ya mpshafatšo ya tokelo ya diteko nyakišišo
Mong tokelo ya diteko nyakišišo ofe goba ofe yo a ratago go kgopela go Tona go mpshafatša tokelo diteko nyakišišo o swanetše go dira kgopelo -
a kantorong ya Lekalatiro la Petroleamo;
b ka mokgwa wo o beilwego; ga mmogo le c tšhelete yeo e sa bušetšwego morago ya kgopelo.
Kgopelo ya mpshafatšo ya tokelo ya diteko nyakišišo e swanetše go -
a bontšha lebaka leo le kganyogwago go pshafatšo;
b felegetšwa ke pego yeo e nago le dintlha tšeo di bontšhago dipoelo tša diteko nyakišišo, tlhalošo ya tšona le ditshenyagalelo tša diteko nyakišišo;
c felegetšwa ke pego yeo e nago le dintlha tšeo di bontšhago botlalo bja go obamela dinyakwa tša porokerama ya taolo ya tikologo yeo e dumeletšwego, tokišo yeo e swanetšego go phethwa le tekanyetšo ya ditshenyegelo; le d akaretša lenaneo le le tletšego la mošomo wa dihlohlomišo la lebaka la mpshafatšo.
Tona e swanetše go fana ka tumelelo ya kgopelo ya mpshafatšo ya tokelo ya diteko nyakišišo ge kgopelo e dumelelana le dikarolwana 1 le 2 gomme mong wa ditokelo tša go nyaka a kgotsofaditše:
a mabaka le dikwano tša tokelo ya go nyaka gomme a sa tlhokomologe taelo efe goba efe ya Molao wo;
b lenaneo la mošomo wa dinyakišišo; le c dinyakwa tša lenaneo le le amogetšwego la tshepedišo ya tikologo.
Tokelo ya diteko nyakišišo e ka mpshafatšwa mabakeng a mararo ao a sa fetego mengwaga ye mebedi le tee ka le.
Ditokelo le maswanedi a mong tokelo ya diteko nyakišišo
Godimo ga ditokelo tšeo di bolelwago go karolo ya 5, mong tokelo ya diteko nyakišišo -
a go ya ka karolwana ya 2, o na le tokelo yeo e ikgethago go ka dira kgopelo le go fiwa tokelo ya tšweletšo ya petroleamo mo lefelong leo le amegago;
b o na le tokelo yeo e ikgethago ya go ka tloša mme a lahla petroleamo yeo a e hweditšego nakong ya diteko nyakišišo;
c a ka neelana mme a gana ka tokelo ya diteko nyakišišo go ya ka karolo ya 12 yeo e tla sepelago le diphetogo tšeo di swanetšego.
Mong tokelo ya diteko nyakišišo o swanetše go -
a ngwadiša tokelo yeo go Kantoro ya Ngwadišo ya Ditokelo tša go Epa matšatšing a 30 pele ga ge tokelo e -
i thoma go šoma; le ii ge e mpshafaditšwe go ya ka karolo ya 763;
b šoma ka tšweletšo ka mehla le ka go ineela go ya ka mošomo wa diteko nyakišišo wo o dumeletšwego;
c sepela ka melawana le magora a tokelo ya diteko nyakišišo le dikgontšhi tšeo di amanago le Molao wo;
d obamela dinyakwa tša porokerama ya taolo ya tikologo yeo e dumeletšwego; le e go lefela tshelete yeo e beilwego go Lekalatiro la Petroleamo.
Kgopelo ya tokelo ya tšweletšo
Motho ofe goba ofe goba mong tokelo ya go epa yo a ratago go dira dikgopelo tša tokelo ya tšweletšo go Tona, o swanetše go dira kgopelo -
a kantorong ya Lekalatiro la Petroleamo;
b ka mokgwa wo o beilwego; ga mmogo le c tšhelete yeo e sa bušetšwego morago ya kgopelo.
Lekalatiro la Petroleamo le swanetše go amogela kgopelo ya tokelo ya diteko nyakišišo ge -
a Dinyakwa tše di ukangwago go karolwana1 di a kgotsofatšwa; le b gore ga go na motho yo mongwe yo a swerego tumelelo ya tshomišanommogo ya seteginiki, tokelo ya diteko nyakišišo goba tokelo ya tšweletšo, mo lefelong leo.
Ge kgopelo e sa sepelelane le dinyakwa tša karolo ye, Lekalatiro la Petroleamo le swanetše go tsebiša mokgopedi ka ga ntlha yeo matšatšing a 14 morago ga kamogelo ya kgopelo yeo.
Ge Lekalatiro la Petroleamo le dumela kgopelo, Lekalatiro la Petroleamo le swanetše gore mo matšatšing a 14 morago ga tumelelo ya kgopelo yeo le tsebiše mokgopedi ka go ngwala go tliša porokerama ya taolo ya tikologo go ya ka karolo ya 36, mo lebakeng la matšatši a 120 go tloga letšatšing la tsebišo yeo mme le ikopanye le mahlakore ao a nago le kgahlego le ao a amegago.
Go fana ka le lebaka la tokelo ya tšweletšo
Tona e swanetše go fana ka tokelo ya go tšweletša ge -
a mokgopedi a na le phihlelelo ya methopo ya ditšhelete mme a na le bokgoni bja seteginiki go dira mediro yeo e akanywago ka tlhokomelo;
b ditshenyagalelo tšeo di lekanyedišwego di sepelelana le modiro wa tšweletšo wo o akantšwego le lebaka la porokerama ya mošomo wa tšweletšo;
c Tona e dumeletše porokerama ya taolo ya tikologo go ya ka karolo ya 363;
d mokgopedi a na le bokgoni bja go ka sepela ka dikgontšhi tša Molao wa tša Maphelo le Polokego ya Meepo, 1996 Molao wa Nomoro ya 29 wa 1996;
e mokgopedi a sa tlole kgontšho efe goba efe ya Molao wo yeo e sepelelanago le seo;
f mokgopedi a obamela melawana le magora a tokelo ya teko nyakišišo ge go nyakega;
g mokgopedi a file lenaneopeakanyo la tša phedišano leo le beilwego; le h gore go fana ka tokelo yeo go tla tšweletša pele maikemišetšo ao a hlalošwago go karolo ya 2f.
Tona e swanetše go gana go fana ka tokelo ya tšweletšo ge kgopelo e sa fihlelele dinyakwa tšeo di bolelwago go karolwana ya 1.
Ge Tona e gana go fana ka tokelo ya tšweletšo, Tona e swanetše gore ka go ngwala le tsebiše mokgopedi mo matšatšing a 30 ka ga sephetho le mabaka a seo go tloga ge a tšea sephetho.
Tokelo ya go tšweletša e ya ka melao le magora ao a beilwego mme e šoma lebaka leo le beilwego ka go tokelo, mme lebaka leo le ka se fete mengwaga ye masometharo.
Kgopelo ya mpshafatšo ya tokelo ya tšweletšo
Mong tokelo ya tšweletšo ofe goba ofe yo a ratago go kgopela go Tona go mpshafatša tokelo ya tšweletšo o swanetše go dira kgopelo -
a kantorong ya Lekalatiro la Petroleamo;
b ka mokgwa wo o beilwego; ga mmogo le c tšhelete yeo e sa bušetšwego morago ya kgopelo.
Kgopelo ya mpshafatšo ya tokelo ya tšweletšo e swanetše go -
a bontšha lebaka leo le kganyogwago go pshafatšo ;
b felegetšwa ke pego yeo e nago le dintlha tšeo di bontšhago dipoelo tša tšweletšo, tlhalošo ya tšona le ditshenyagalelo tša tšweletšo;
c felegetšwa ke pego yeo e nago le dintlha tšeo di bontšhago botlalo bja go obamela dinyakwa tša porokerama ya taolo ya tikologo yeo e dumeletšwego, tokišo yeo e swanetšego go phethwa le tekanyetšo ya ditshenyegelo; le d Lenaneo la mošomo wa tšweletšo wa lebaka la mpshafatšo.
Tona e swanetše go fana ka tumelelo ya kgopelo ya mpshafatšo ya tokelo ya tšweletšo ge kgopelo e obamela karolwana ya 1 le 2 mme mong tokelo ya tšweletšo a obamela -
a melawana le magora a tokelo ya tšweletšo mme ga se a tlola dikgontšhi di fe goba di fe tšeo di amanago le Molao wo;
b lenaneo la mošomo wa tšweletšo; le c dinyakwa tša porokerama ya taolo ya tikologo yeo e dumeletšwego.
Tokelo ya tšweletšo e ka mpshafatšwa lebakeng la go tšwela pele leo le sa fetego mengwaga ye 30.
Ditokelo le maswanedi a mong tokelo ya tšweletšo
Godimo ga ditokelo tšeo di bolelwago go karolo ya 5, mong tokelo ya tšweletšo -
a go ya ka karolwana ya 2, o na le tokelo yeo e ikgethago go ka dira kgopelo le go fiwa tokelo ya tšweletšo ya petroleamo mo lefelong leo le amegago;
b o na le tokelo yeo e ikgethago ya go ka tloša mme a lahla petroleamo yeo a e hweditšego nakong ya tšweletšo;
c a ka neelana mme a gana ka tokelo ya tšweletšo go ya ka karolo ya 12.
Mong tokelo ya tšweletšo o swanetše go -
a ngwadiša tokelo yeo go Kantoro ya Ngwadišo ya Ditokelo tša go Epa matšatšing a 30 pele ga ge tokelo e -
i thoma go šoma; le ii ge e mpshafaditšwe go ya ka karolo ya 803;
b šoma ka tšweletšo ka mehla le ka go ineela go ya ka mošomo wa tšweletšo wo o dumeletšwego;
c sepela ka melawana le magora a tokelo ya tšweletšo le dikgontšhi tšeo di amanago le Molao wo;
d obamela dinyakwa tša porokerama ya taolo ya tikologo yeo e dumeletšwego; le e go lefela tshelete yeo e beilwego go Lekalatiro la Petroleamo.
Tšhomišo ya mafelo a diteko nyakišišo le a tšweletšo
Ge ditokelo tša diteko nyakišišo goba tša tšweletšo di filwe mo lefelong leo e lego karolo ya lefase leo go lona go nago le sediba sa petroleamo yeo go yona go nago le ditokelo tše dingwe tša tšweletšo, beng ba ditokelo tšeo ba swanetše go beakanya lenaneo la tšweletšo ya sediba sa petroleamo ga mmogo bjalo ka selo se tee mme ba swanetše go iša lenaneo leo go Tona go ya ka melawana le magora a ditokelo tša diteko nyakišišo goba tša tšweletšo.
Mong tokelo goba tumelelo efe goba efe yo a dirago mediro ya dinyakišišo, dithuto tša tšhomišommogo ya seteginiki, mediro ya diteko nyakišišo le mediro ya tšweletšo o swanetše go fana ka tshedimošo yeo, data, dipego le ditlhalošo go Lekalatiro la Petroleamo bjalo ka ge go ka bewa.
Tshedimošo ka moka, data, dipego le ditlhalošo tšeo di filwego Lekalatiro la Petroleamo di swanetše go swarwa sephiri ke mahlakore ka moka lebakeng leo le -
a sa fetego mengwaga ye mene go tloga go letšatši la khwetšo; goba b felago ka letšatši leo ka lona tumelelo goba tokelo tšeo di amanago le tshedimošo, data, dipego le ditlhalošo di phumutšwego, fedišitšwego goba lefelo leo le lokolotšwe.
Ga go o mongwe, e ka ba Mmušo, Lekalatiro la Petroleamo goba yo mongwe wa bašomi ba bona a rwelego maikarabelo a bonnete thwii goba bokamoka bja data le ditlhalošo tša yona le tshedimošo ye nngwe yeo e filwego motho ofe goba ofe mabapi le kgopelo ya tumelelo goba tokelo yeo e kgopetšwego go ya ka Temana ye.
Tšhireletšego ya ditšhelete
Go ya ka karolo ya 5 , ga go mediro ya teko nyakišišo goba ya tšweletšo yeo e ka thomago ntle le ge mong tokelo yo a amegago a fane ka -
a Pholisi ya inšorense yeo ka go yona Lekalatiro la Petroleamo le Tona ba inšorilwego ke institšhušene ya maemo a boditšhabatšhaba yeo e fanago ka tšhireletšo ya bonnyane bjo bo dumelelegago go Lekalatiro la Petroleamo le Tona go lokiša le go laola kgatelelo efe goba efe ya tikologo;
b tšhireletšego yeo e dumelelegago go Lekalatiro la Petroleamo le Tona go phethagatša mananeo a mediro ya teko nyakišišo le ya tšweletšo ke mongtikelo yo a amegago; goba c tšhireletšego yeo e dumeletšwego ya ditšhelete.
Maatla a Tona go fega le go phumula ditumelelo le ditokelo
Tona e ka phumula goba la fega tumelelo efe goba efe ya nyakišišo, tumelelo ya tšhomišommogo ya seteginiki, tokelo ya teko nyakišišo le ya tšweletšo go ya ka tselatshepetšo yeo e bolelwago go karolo ya 44.
KGAOLO 7
DIKGONAGATŠO TŠA KAKARETŠO LE TŠE DINGWE
Maatla a go tsena lefelong la diteko nyakišišo, lefelong la go epa goba lefelo leo le swerwego
Tona e ka dumelela leloko le fe goba le fe la Lekgotla, Molaodi wa Selete goba mohlankedi ofe goba o fe, yo a bitšwago motho yo a filwego maatla ka mo Kgaolong ye, go tšwetša pele mediro yeo e bolelwago go karolwana ya le ka go karolo ya 87.
Motho yo a filwego maatla o swanetše go fiwa setifikeiti seo se saenilwego ke Tona se bontšha gore o filwe maatla ka tlase ga karolwana ya 1.
Motho yo a filwego maatla o swanetše go, ka kgopelo ya motho ofe goba ofe a bontšhe setifikeiti seo se bolelwago go karolwana ya 2 go motho yoo.
Motho yo a filwego maatla a ka re , ka maatla a taelo yeo e filwego go ya ka karolwana ya 5 -
a gore a kgone go hwetša bohlatse, a tsene ka lefelong le lengwe le le lengwe leo ka go lona go dirwago dinyakišišo, ka lefelong la go epa goba ka lefelong la tshwaro moo a nago le lebaka la go dumela gore taelo efe goba efe ya Molao wo e a tshelwa goba e tshetšwe;
b a laetše motho yo a laolago goba motho ofe goba ofe yo a thwetšwego ka lefelong leo -
i go iša puku efe goba efe, rekhoto goba sengwalwa se sengwe seo se amanago le dinyakišišo gomme se swerwe goba se le taolong ya motho yoo;
ii go fana ka tshedimošo yeo bjalo ka ge a na le yona mabapi le morero woo; le iii go fana ka thušo yeo e ka nyakwago ke motho yo a filwego maatla gore a kgone go phethagatša mešomo ya gagwe ka tlase ga Molao wo;
c a hlahlobe puku efe goba efe, rekhoto, pego goba sengwalwa se sengwe gomme a dire dikhophi tša tšona goba ditsopolwa tša go tšwa go tšona;
d a hlahlobe setlabelo sefe goba sefe goba materiale o mongwe goba selo se se hweditšwego ka lefelong leo;
e a tšee ditaetšo tša nateriale ofe goba ofe gomme a se leke, a se hlahlobe, a se sekaseke gomme a beye ditaetšo tšeo ka magoro, gomme a f amoge materiale ofe goba ofe, selo, puku, rekhoto, pego goba sengwalwa sefe goba sefe seo se ka bago maleba kahlolong ka tlase ga Molao wo gomme a se beye tlhokomelong ya gagwe, eupša motho yo go yena go tšerwego bong goba taolo ya puku, rekhoto goba sengwalwa, a ka re ka ditshenyagalelo tša gagwe le gona ka tlase ga bookamedi bja bja motlhahlobi, a dira dikhophi tša tšona goba ditsopolwa tša tšona.
Lengwalo la maatla fatšo, leo lgo boletšwego ka lona go karolwana 4 le swanetše go ntšwa ke magistrata yo a nago le taolo, gomme le ka ntšhwa feela ge e le gore ge go bonala go tšwa tshedimošong yeo e hweditšwego ka kano gore go na le mabaka ao a kwagalago a go dumela gore materiale ofe goba of, selo, setlabelo, puku, pego goba sengwalwa seo se ka amanago le go tshelwa ga Molao wo, se godimo goba se ka gare ga ka lefelo leo.
a Ge go sa hlongwe dinyakišišo ka ga bosenyi mabapi le selo sefe goba sefe seo se hweditšwego go ya ka karolwana , goba ge go direga gore selo seo ga se nyakege tshekong efe goba efe ka morero wa go fa bohlatse goba taelo ya kgoro ya tsheko, selo seo se swanetše go bušetšwa ka pela ka mo go ka kgonegago go motho yo a amogilwego sona.
b Morago ga phetho ya dinyakišišo tša bosenyi selo se sengwe le se sengwe seo se amogilwego go ya ka karolwana ya gomme e le seo se šomilego bjalo ka taetšo ditshekong tšeo go tšona motho a bonwego molato, se swanetše go neelwa motho yo a filwego maatla a go laela gore se senywe goba go sego bjalo, se dirwe ka mo go laetšego kgoro ya tsheko.
Motho yo a filwego maatla a ka re ka nako ya mošomo ntle le taelo, a tsena lefelong la diteko nyakišišo, lefelo la go epa goba lefelo leo le swerwego go hlahloba modiro ofe goba ofe goba tshepetšo yeo e dirwago ka gare goba mo lefelong leo le amegago mme a ka nyaka mong tokelo ya diteko nyakišišo, tokelo ya go epa goba tokelo ya go swara goba tumelelo ya go epa go ntšha puku efe goba e fe, pego goba ditokomane tše dingwe mabapi le merero yeo e hlalošwago ka go Molao wo gore di hlahlobje, goba mabakeng a go dira dikgatišo goba go ntšha tshedimošo ka ga tšona ka go tšona.
Ditaelo, Phetho le melao
Ge motho yo a filwego maatla a hwetša gore tlolo goba tlolo yeo e gononelwago goba thetelelo ya go obamela dikgontšhi tša Molao wo goba magora a fe goba a fe a tokelo efe goba efe ya diteko nyakišišo, tumelelo ya go epa, tumelelo ya go swara goba Porokerama ya Taolo ya Tikologo leo le filwego mme la dumelelwa go ya ka Molao wo, e diregile goba e a direga mo lefelong la diteko nyakišišo leo le amegago goba lefelong la moepo, motho yoo a ka -
a laela mong tokelo yeo e amegago goba tumelelo, molaodi, mohlankedi, mošomi goba mothušatiro wa mong go tšea magato a tokišo ka bonako; goba b laela gore mediro ya diteko nyakišišo goba ya go epa goba karolo ya seo e fegwe, mme a fa melao mabapi le seo.
Molaodikakaretšo a beela thoko taelo efe goba efe yeo e bolelwago go karolwana ya 1a goba b
Molaodikakaretšo a ka tsebiša mong ka go ngwala matšatšing a 30 a sephetho sa go beela thoko taelo.
Thibelo ya go šitiša motho yo a filwego maatla
Ga go motho yo a swanetšego go šitiša, go thibela goba go ganetša motho ofe goba ofe yo a filwego maatla go dira mošomo wa gagwe go ya ka Molao wo.
Thibelo ya go hlolela mošomi bothata mošomong wa gagwe
Mong tokelo ya diteko nyakišišo, tokelo ya go epa, tumelelo ya go epa goba tumelelo ya go swara ga a swanela go hlolela mošomi ofe goba ofe wa gagwe mathata a go šoma, ka lebaka la, goba ka lebaka la ka thokwana, ka ge mošomi a ka utolla tshedimošo go Tona, Molaodikakaretšo goba motho ofe goba ofe yo a filwego maatla -
a mabapi le go retelelwa ga mong yoo go sepela ka dikgontšhi tša Molao wo;
b mo mabakeng a gore mong yoo o dira mediro ya diteko nyakišišo goba ya go epa , go ya ka mo go lego ka gona, ka mokgwa wo o lego kgahlanong le maikemišetšo a karolo ya 2e le f; goba c gore modiro ofe goba ofe goba tiragatšo tseo di dirwago ke mong yoo di ka hlola go se sepele ka dikgontšhi tša Molao wo goba ka molao ofe goba ofe goba legora la tokelo yeo.
Mabakeng a seripa se, tlholelo ya mathata mošomong e ra "tlholelo ya mathata mošomong" bjalo ka ge e hlalošitšwe ka go karolo ya 1 sa Molao wa Tšhireletšego ya Dikutollo, 2000 Molao wa Nomoro ya 26 wa 2000.
Tshepetšo ya tshekoleswa ya ka gare
Motho ofe goba ofe yo ditokelo tša gagwe goba ditetelo tša gagwe di amilwego gampe ka dithoto goba yo a phošeditšwego ke tiragatšo ya taolo go ya ka Molao wo a ka kgopela tshekoleswa ka mokgwa wo o dumeletšwego go -
a Molaodikakaretšo, ge e le gore ke tiragatšo ya taolo ka Molaodi wa Selete goba mohlankedi; goba b Tona, ge e le gore ke tiragatšo ya taolo ka Molaodikakaretšo goba Lekalatiro la Petroleamo;
Tshekoleswa go ya ka karolwana ya 1 ga e fege tiragatšo ya taolo, ntle le ge e fegilwe ke Molaodikakaretšo goba Tona, go ya ka mo go bago ka gona.
Ga go motho yo a ka dirago kgopelo go Kgoro ya tsheko gore sephetho sa tša taolo seo se ukangwago go karolwana 1 se lebelelwe leswa go fihla ge motho yoo a dirišitše dithuši tša gagwe ka moka go ya ka karolwana yeo.
Dikarolo 6, 71 le 8 tša Molao wa Tšweketšo ya Tshepedišo ya Toka, 200 Molao wa Nomoro ya 3 wa 2000, di ama tshepedišo efe goba efe ya kgoro ya tsheko yeo e ukangwago karolong ye.
Go tlišetšwa ditokomane
Ntle le ge go beilwe ka mokgwa wo mongwe ka go dikgontšhi tša Molao wo, tsebišo efe goba efe , taelo, molaotiragatšo goba tokomane efe goba efe tšeo di swanetšego, go ya ka Molao wo, go fiwa motho ofe goba o fe, di tla tšewa bjalo ka ge di filwege -
a di filwe ka seatla go motho yoo; goba b di rometšwe ka poso yeo e netefaditšwego go aterese ya mošomo, poso goba ya madulo ya motho yoo.
Tsebišo efe goba efe , taelo, molaotiragatšo goba tokomane efe goba efe tšeo di filwego go ya ka Molao wo, di a šoma go ya ka mabaka a wona, le ge mohlankedi yo a di tlišago goba yo a di netefatšago a se na maatla se segolo ke ge a filwe maatla ao.
Melato
Motho ofe goba goba ofe o na ltla bonwa molato ge a –
a tshela goba a sa obamele: -
i karolo ya 53d, 54, 172, 18, 233, 25 goba 403;
ii karolo ya 87, 89 goba 90;
iii karolo ya 35c goba e;
iv karolo ya 391 goba 2;
v karolo ya 41;
vi taelotšhupo efe goba efe , tsebišo, phego, taelo, taelomolao goba mabaka ao a ntšhwago, fiwago goba a bewago go ya ka Molao wo; goba vii kgopelo efe goba efe yeo e bolelwago go karolo ya 26; goba b a tšweletša tshedimošo ye e fošagetšego, a tlogela go utolla tshedimošo mabapi le taba efe goba efe yeo e swanetšego go tšweletšwa go ya ka Molao wo.
Dikotlo
Motho ofe goba ofe yo a swerwego ka molato go ya ka Molao wo o tla lebanwa ke –
a mo molatong wo o bolelwago go karolo ya 93ai, tefišo ye e sa fetego
R100 000 goba kgolego ya lebaka leo le sa fetego mengwaga ye mebedi goba go bobedi tefišo le kgolego;
b mo molatong wo o bolelwago go karolo ya 93aii go dikotlo tše di ka bewago molatong wa bofora.
c mo molatong wo o bolelwago go karolo ya 93aiii, dikotlo tše di ukangwago karolong ???? ya Molao wa Bosetšhaba wa Tshepedišo ya Tikologo;
d mo molatong wo o bolelwago go karolo ya 93av, go kotlo yeo e ka fiwago ke kgoro ya magaseterata go molato wo o swanago le woo;
e mo molatong wo o bolelwago go karolo ya 93avi le 93avii, go tefišo ye e sa fetego R10 000;
f mo motho a swaretšwego molato go ya ka Molao wo, wo o sa beelwego kotlo, go tefišo goba kgolego ya lebaka leo le sa fetego dikgwedi tše tshelelago goba go bobedi tefišo le kgolego yeo;
Go sa šetšwe se sengwe le se sengwe seo se lego kgahlanong ka gare ga molao ofe goba ofe, kgoro ya magaseterata e ka fana ka kotlo efe goba e efe yeo e kgontšhwago ka go Molao wo.
Kagoleswa ya diminerale le intaseteri ya meepo
Tona e swanetše go, lebakeng la mengwaga ye mehlano go tloga letšatšing leo Molao wo o thomilego go diragatšwa -
a mme ka morago ga go ikopanya le Tona la tša Kago ya Dintlo, tšweletša seemo seo se amogelegago sa meago le tša maphelo intaseteri ya tša Diminerale le petroleamo;
b tšweletša lenaneo peakanyo go hlahla le go šupa tsela ya kagoleswa maphelo intaseteri ya tša diminerale le petroleamo mono Repabliki ; le c go tšweletša molaosetšo wo o amogelegago wa mediro ya intaseteri ya tša diminerale le petroleamo mono Repabliki .
Thwalo ya beng dikontraka
Ge mong tokelo ya diteko nyakišišo, tokelo ya go epa goba tumelelo ya go swara a thwala motho yo mongwe goba kontraka ya thušo go dira mošomo ka gare ga mellwane ya lefelo la moepo, lefelo la diteko nyakišišo goba lefelo leo le swerwego, bjalo ka ge go ka ba ka gona, mong yoo o dula a na le boikarabelo a go obamela Molao wo.
Go fa maatla a mošomo le mošomo
Tona e ka, go ya ka maemo ao a ka a beago, ka go ngwala, la fa maatla ao e lego a gagwe ka tlase ga Molao wo, ntle le maatla a go dira melawana 91, mme a ka fa mošomo wo o filwego yena go Molaodikakaretšo, Molaodi wa Selete goba mohlankedi ofe goba o fe.
Tona e ka, ge le e fa maatla goba go fa mošomo ka tlase ga karolwana ya 1 la fa tumelelo ya go fetišetša maatla ao a mošomo pele ke motho yo a mo filego maatla ao a boromiwa goba mošomo.
Molaodikakaretšo, Molaodi wa Selete goba mohlankedi ofe goba ofe yo a filwego maatla goba yo a filwego mošomo ke, goba ka tlase ga Molao wo, a ka re ka go ngwala a fa maatla goba a fa mošomo go mohlankedi ofe goba o fe.
Tona, Molaodikakaretšo, Molaodi wa Selete goba mohlankedi ba ka, ka nako efe goba efe –
a gogela morago maatla goba mošomo wo o filwego go ya ka karolwana ya 1, 2, goba 3, go ya ka mo go ka bago ka gona; mme b ba ka gogela morago goba go fetola sephetho seo se dirilwego ke motho yo a dirišago maatla goba yo a dirago mošomo wo a o filwego go ya ka karolwana ya 1, 2, goba 3, go ya ka mo go ka bago ka gona.
Tona, Molaodikakaretšo, Molaodi wa Selete goba mohlankedi ga ba tlošwe go maatla goba mošomo wo ba o filego motho yo mongwe.
Tokollo ditaelong tše dingwe tša Molao wo
Tona e ka re ka tsebišo ka kuranteng ya mmušo, ya lokolla lekala lefe goba lefe la mmšo ditaelong tša karolo 13, 17, 19 le 24 mabapi le tiro efe goba efe yeo e dirilwego go tloša seepšane sefe goba sefe ka morero wa go aga tsela , go agwa ga matamo goba morero ofe goba ofe o mongwe wo o ka šupšago tsebišong yeo.
go sa šetšwe karolwana 1, lekala la mmušo leo le lokolotšwego ka tsela yeo le swanetše go tšweletša lenaneo la tshepedišo ya tikologo gore le amogelwe go ya ka karolo 363.
Tona e ka re ka tsebišo ka Kuranteng ya Mmušo, ya dira melaotshepedišo mabapi le -
a morero ofe goba ofe wo o ka laelwago go ya ka Molao wo; le b morero ofe goba ofe wo o hlokegago goba wo o nyakegago go laela gore go ba le go tsenywa tirišong ga dipoelo ga Molao wo.
Ga go molaotshepedišo wo o tla dirwago ke Tona ntle le kwano le Tona ya Matlotlo, e lego wo amanago le ditseno tša Mmušo goba ditshenyagalelo
Molaotshepedišo o mongwe le o mongwe wo o dirwago ka tlase ga karolwana yeo ka laela gore motho ofe goba ofe yo a tshelago molaotshepedišo wo goba a sa o obamele, o tla bonwa molato gomme a swanelwa ke kotlo ya tefišo goba go ya kgolegong lebaka le le sa fetego dikgwedi tše tshelelago.
Taetšo ya dikgonthe
Tshepedišong efe goba efe ya molao go ya ka Molao wo, pego efe goba efe, setsenywa goba tshedimošo ka gare goba godimo ga puku efe goba efe, polane, rekhoto goba sengwalwa se sengwe, e tla tšewa bjalo ka bohlatse bjo bo ka laetšwago bja dikgonthe, ke motho yo a a bo dirilego, a bo tsentšego goba a bo rekhotilego.
Molao o tlama mmušo
Molao wo o tlama mmušo, ntle le, ntle le moo go angwago boikarabelo bja bosenyi.
Go fedišwa le go fetošwa ga melao le ditokišetšo tša phetišetšo
Go ya ka Šetule (lenaneotshepetšo) ya 2, melao ye e boletšwego go Šetule 1 e a fedišwa goba ya fetošwa go ya ka kelo yeo e hlalositšwego kholomong ya boraro ya Šetule ya 1.
Hlogo ye kopana le go thoma
Molao wo o bitšwa Molao wa Tlhabollo ya Diminerale le Petroleamo, 2001, gomme o thoma go šoma letšatšing leo le bewago ke Mopresidente ka kgoeletšo ka Kuranteng ya Mmušo.
LENANEOTSHEPETŠO LA 1
G0 PHUMULWA GOBA GO FETOLA MELAO
Karolo ya 104
Nomoro le ngwaga wa molao
Hlogo ye kopana
Bogolo bja phumulo goba phetogo
Molao wa Nomoro ya 47 wa 1937
Molao wa Ngwadišo ya Dititi, 1937
Phumulo ya dikarolo 70 go ya go 74 ter
Phetolo ya karolo 102 ka -
a Phumulo ya temana ya a ya tlhalošo ya "thoto yeo e sa suthego", le b Phumulo ya tlhalošo ya "kontraka ya tekonyakišišo"
Molao wa Nomoro ya 50 wa 1956
Molao wa Phetolo ya Melao Kakaretšo, 1956
Phumulo ya dikarolo 3 le 4
Molao wa Nomoro ya 96 wa 1969
Molao wa Tšeelo ya Tokelo ya Diminerale (Makeišene), 1969
Ka moka
Molao wa Nomoro ya 57 wa 1976
Molao wa Mafelo a Boikhutšo, 1976
Phumulo ya kamano efe goba efe le tokolelo ya Diminerale go dikarolo tša 2A, 2C,2D, 3 le 3A
Molao wa Nomoro ya 39 wa 1979
Molao wa Bophuthatswana wa Taolo ya Naga, 1979
Phumulo ya karolo ya karolwana ya ya karolo ya 16
Molao wa Nomoro ya 6 wa 1986
Molao wa Venda wa Taolo ya Naga, 1986
Phumulo ya karolo ya karolwana ya ya karolo ya 16
Molao wa Nomoro ya 50 wa 1991
Molao wa Diminerale, 1991
Ka moka, ntle le ditlhalošo tša "tšhipi ya bohlokwa" ka go karolo ya "tšhipi ya bohlokwa ye e sa šongwago" go karolo 1 le go Kgaolo XVI ya Molao wa Ditokelo tša go Epa, 1967 gomme ga e akaretše tlhaloso ya "Sontaga" le karolo 9 ya Molao wa Meepo le Mešomo, 1956.
Molao wa Nomoro ya 47 wa 1994
Molao wa tekatekanyo ya melao ya Diminerale le Enetši, 1994
Ka moka
Molao wa Nomoro ya 3 wa 1996
Molao wa peakanyoleswa ya Naga (Badudi ka Mošomo), 1996
Phumulo ya kamano le tokolelo ya Diminerale go karolo ya 2
Molao wa Nomoro ya 94 wa 1998
Molao wa kagoleswa ya Dinagamagae tše dingwe, 1998
Karolo ya 6
Molao wa Nomoro ya 107 wa 1998
Molao wa Taolo Bosetšhaba ya Tikologo, 1998
Phetolo ya karolo ya 36 ka go phumula dikgonegišo tša sripana sa .
Molao wa Nomoro ya 8 wa 1997
Molao wa Tshekaseko ya Naga wa, 1997
Phetolo ya karolo ya 1 ka -
a phumulo ya temana ya d ya tlhalošo ya "mong"
b go bea legatong ditlhalošo tša "kabelano" "share" tša ditlhalošo tšeo di latelago:
kabelano" mabapi le naga, [le ditokelo tša diminerale ] e ra kabelano yeo e sa arolwego";
Phetolo ya karolo ya 29 ka -
a go bea legatong ka go seripa sa 2 go temana ya c ya temana yeo e latelago:
c beng ba ditokelo tša nnete [ntle le tokelo go diminerale ] mo sekgaong sa naga goba mo lefelong kgauswi le leo ditokelo tša lona di angwago gampe ke maemo a dipakana beacons goba mellwane yeo e beilwego le";
b go bea legatong ka go seripa sa 2 go temana ya ii ya ditlhalošo tša temana ya d ya temana yeo e latelago:
ii mo sekgaong sa lefelo goba mo lefelong la kgauswi [goba tokelo efe goba efe go Diminerale mo sekgaong seo sa naga] goba ditokelo di fe goba di fe tša nnete tšeo di swerwego ke mong o tee goba ba babedi goba beng ba dikabelano, go tla lekana ge kwano e saenilwe ke beng goba beng dikabelano tšeo di sego ka tlase ga bone tharong three fourths bja dikabelano mo sekgaong sa naga goba ditokelo, bjalo ka ge go ka ba gona;" le c ka phumulo ya karolwana ya 2 ya temana ya ii ya ditlhalošo tša temana ya d.
Phetolo ya karolo ya 34 ka peo legatong ka go karolwana ya ya ditlhalošo tša temana ya (b) ya ditlhalošo tšeo di latelago:
Ge e le gore mabapi le naga yeo e lego kgauswi, [goba tokelo efe goba efe go Diminerale tšeo di lego lefelong leo le sekasekwago] goba ditokelo di fe goba di fe tša nnete tšeo di swerwego ke mong o tee goba ba babedi goba beng ba dikabelano, go tla lekana ge kwano e saenilwe ke beng goba beng dikabelano tšeo di sego ka tlase ga diperesente tše 75 bja dikabelano mo sekgaong seo sa naga goba ditokelo, bjalo ka ge go ka ba gona;" le
LENANEOTSHEPETŠO 11
PEAKANYO YA LEBAKA LA PHETOGELO
Ditlhalošo
Mo Lenaneotshepetšong, ntle le ge tlhalošo e bontšha ka mokgwa wo mongwe -
i "Molao wa Diminerale" e ra Molao wa Diminerale, 1991 Molao wa Nomoro ya 50 wa 1991;
ii "tokelo ya peakanyo ya kgale ya go epa" e ra khirišo efe goba efe ya go epa, tumelelo ya go epa, laesense ya go kgopela pušetšo, tumelelo ya go epa goba tokelo yeo e ngwetšwego go Sethalwa sa 2 table 2 mo go Lenaneotshepetšo leo le šomago ka pela pele ga go tloga ka letšatši leo Molao wo o thomilego go šoma le ka mokgwa wo mediro ya go epa e sepetšwago ka gona ka letšatši leo le šetšego le beilwe;
iii "tokelo ya peakanyo ya kgale ya diteko nyakišišo" e ra khirišo efe goba efe ya diteko nyakišišo, tumelelo, kwano, lengwalo la tumelelo goba laesense le ditokelo tšeo di amanago le seo, tšeo di ngwetšwego go Sethalwa sa 1 (table 1) mo go Lenaneotshepetšo leo le šomago go tloga ka pela pele ga letšatši leo Molao wo o thomilego go šoma le ka mokgwa wo mediro ya go dira diteko nyakišišo e sepetšwago ka gona;
iv "tokelo ya peakanyo ya kgale" e ra tokelo ya kgale ya go epa, tokelo ya kgale ya diteko nyakišišo, tokelo ya kgale yeo e sa šomišwego, go ya le seo se ka bago;
v "khirišotlasana ya OP26" e ra khirišo efe goba efe ya diteko nyakišišo, ye e hwetšwago go ya ka temana ya 15.1 ya khirišo ya dinyakišišo yeo e filwego [Soekor Propriety Limited] go ya ka karolo ya 141b ya Molao wa Tokelo ya go Epa, 1967 Molao wa Nomoro ya 20 wa 1967, gomme e ngwadišitšwe kantorong ya Mangwalo a bong bya Meepo ka Julae 5 1967 ka tlase ga nomoro ya OP26 go akaretšwa diphetošo dife goba dife tša yona tše di tšwetšego pele go dirišwa go ya ke karolo 44 1aii ya Molao wa Diminerale.
vi "Khirišo ya go epa ya OP26" e ra khirišo ya go epa ye e filwego Mosgas Pty Ltd go ya ka temana ya 22 ya khirišo ya go nyaka ya OP26.
vii Tokelo ye e sa dirišwago ya tshepedišo ya kgale e ra tokelo efe goba efe goba tshwanelego, phemiti goba laesense tšeo di beilwego lenaneong la Sethalwa Šeduleng ye, yeo go ya ka yona go bego go sa dirwe dinyakišišo goba go epa pejana ga ge Molao wo o thoma go dirišwa.
Maikemišetšo a Lenaneotshepetšo
Maikemišetšo a Lenaneotshepetšo le ke go -
a netefatša gore polokego ya tokelo e šireletšegile mabapi le mediro yeo e diragatšwago ya diteko nyakišišo, dinyakišišo go epa le mediro tšweletšo;
b fa mong wa tokelo ya kgale sekgoba sa go obamela Molao wo; le c kgonaatša phihlelelo yeo e lekalekanego ya methopo ya setšhaba ya Diminerale le petroleamo.
Tšwetšopele ya dikgopelo tšeo di sa emego tša diteko nyakišišo le go epa
, Kgopelo efe goba efe ya tumelelo ya teko nyakišišo, tumelelo ya go epa, tumelelo ya go dira diteko nyakišišo, tumelelo ya go epa goba tumelelo ya go tloša le go šuthiša minerale ofe goba ofe wo o lego gona, fela e sa feleletšwa go ya ka karolo ya 6, 8 goba 9 ya Molao wa Diminerale pelenyana ga ge molao wo o tsenywa tirišong e swanetše go tšewa bjalo ka ge e filwe go ya ka karolo yeo e sepelelanago le Molao wo.
Ge kgopelo efe goba efe yeo e bolelwago go ntlha ya 1 e sa sepelelane le dinyakwa tša Molao wo, Molaodi wa Selete yo retšene ya gagwe e lego mabapi le kgopelo yeo, o swanetše go laela mokgopedi go phethagatša dinyakwa tšeo di sa šaletšego.
Porokerama efe goba efe ya taolo ya tikologo yeo e tlišitšwego go dumelelwa go ya ka karolo ya 391 ya Molao wa Diminerale yeo e bego e sa feleletšwa ge Molao wo o tsenywa tirišong e swanetše go tšewa bjalo ka ge e filwe go ya ka karolo ya 361 ya Molao wo.
Ge porokerama ya taolo ya tikologo e sa sepelelane le dinyakwa tsa Molao wo, Molaodi wa Selete yeo e amanago le lefelo leo la porokerama ya taolo ya tikologo, o swanetše go laela mokgopedi go phethagatša dinyakwa tšeo di sa šaletšego.
Tšwetšopele ya mešomo ya petroleamo
Khirišo efe goba efe ya ka tlase (sublease) go ya ka PO26 yeo e bego e šoma ge Molao wo o tsenywa tirišong e tšwela pele ka go šoma go ya ka melawana le magora ao e filwego a tlase ga wona go fihlela e emišwa goba e fela ka la 30 Tšuni 2007, nakong efe goba efe yeo e ka bago ka pela.
Mong khiro yo a hlalošwago go karolwana ya 1 o swanetše go dira kgopelo ya mpshafatšo go ya ka seripa sa 761 goba kgopelo ya tokelo ya tšweletšo go ya ka karolo ya 78 pele ga go fela ga khirišo ka la 30 Tšuni 2007.
Khirišo efe goba efe ya ka tlase sublease go ya ka PO26 yeo e bego e šoma ge Molao wo o tsenywa tirišong e tšwela pele ka go šoma mengwageng ye mehlano go tloga letšatšing leo Molao wo o tsentšwego tirišong ka lona go ya ka melawana le magora ao e filwego a tlase ga wona.
Mong khiro yo a hlalošwago go karolwana ya 3 o swanetše go kgopela phetolelo go ya ka seripana sa 5 pele ga mafelelo a lebaka la mengwaga ye mehlano.
Mong khiro yo a hlalošwago gotemanatlase ya 1 goba ya 3 yo a kganyogago go fetolela khirišo ka go tokelo ya tšweletšo go ya ka Molao wo, o swanetše go dira kgopela go kantoro ya Molaodi wa Selete ya lefelo leo le amegago, yeo e nago le -
a dintlha tše di laetšwego tša mong;
b sethalwa plan sa seemo sa lefelo seo se bontšhago lefelo leo phetolelo e nyakegago, lefelo leo le ka se bego bogolo bja go feta lefelo leo a swerego khirišo ya lona;
c lefoko leo le hlalošago lebaka lao ka lona a diragaditšego mediro ya go epa pele ga letšatši la go tsenywa tirišong ga Molao wo;
d lefoko leo le hlalošago lebaka leo ka lona tokelo ya tšweletšo e nyakegago ka lona mme le hlalošwa ke porokerama ya go epa;
e leano la leago le le laetšwego mabapi le mošomo wa tšweletšo;
f tshedimošo ya gore naa ponto ya motekeitši mortgage bond e ngwadišitšwe go khiro yeo e amegago goba aowa;
g lefoko leo le hlalošago melawana le magora ao a amegago go khiro;
h Titi ya thaetlele ya mathomo ya naga yeo khiro e amanago le yona, goba kgatišo yeo e netefaditšwego le i khiro ya mathomo goba khirišo ya tlasana, lenaneo le le amogetšwego la tshepedišo ya tikologo goba dikhophi tša tšona tše di netefaditšwego.
j kholofetšo le pego tše di beyago mokgwa wo ka wona mong wa khiro goba khiro ya tlasana a tla phethagatšago maikemišetšo ao a ukangwago go karolo 2d.
Tona e swanetše go fetolela khirišo ge mong a -
a epa go ya ka tokelo yeo e amegago 5;
b o tshepediša mošomo wa go epa wo o amago tokelo yeo;
c bontšha gore o nyaka go tšwela pele ka mediro ya go epa ge tokelo yeo e ka fetolelwa; le d o lefile tšhelete ya diphetošo.
Ga go melawana le magora ao a šomago go khirišo ao a tšwelago pele go šoma ge a le kgahlanong le dikgontšhi tša Molao wo.
Khirišo efe goba efe yeo ka ga yona go nyakegago tshedimošo go ya ka ntlhana ya 5 e tlišitšwe, e tla dula e šoma go fihlela nakong yeo tokelo ya tšweletšo yeo e fetoletšwego ka go yona, e ngwadišitšwe mo Kantorong ya Ngwadišo ya Dithaetlele tša Meepo.
Ngwadišo yeo e hlalošwago go ntlhana ya 7 e swanetše go direga mo dikgweding tše tshela go tloga letšatšing leo khiro e fetoletšwego mme e swanetše go dirwa ka nako e tee le go phumula ngwadišo ya khiro go Kantoro ya Ngwadišo ya Dititi goba go Kantorong ya Ngwadišo ya Dithaetlele tša Meepo, bjalo ka ge go ka ba ka gona.
) Ge ponto ya motekeitši e ngwadišitšwe go ya ka Molao wa Ngwadišo ya Dititi, 1937 (Molao wa Nomoro ya 47 wa 1937), goba Molao wa Ngwadišo ya Dithaetlele tša Meepo, 1967 (Molao wa Nomoro ya 16 wa 1967, ka ga khirišo, tokelo yeo ka go yona o fetoletšwego o swanetše go ngwadišwa go ya ka Molao wo go ya ka ponto ya motekeitši ye nngwe le ye nngwe, mme mongwadiši yo a amegago o swanetše go dira netefatšo yeo e swanetšego go tokomane efe goba efe yeo e lebanego le go tsenya dintlha tšeo ka gare ga rejistara bjalo ka ge go ka hlokagala gore ntlha ye e šome ga botse, ntle le go lefela mešomo ya neelano, mešomo ya setempe, tšhelete ya ngwadišo goba ditefišo.
Ge khirišo e fetoletšwe le ngwadišo ya tokelo ya tšweletšo yeo e fetoletšwego ka go yona e dirilwe, khirišo e a fedišwa.
Ge go se na kgopelo yeo e dirilwego pele ga go fela ga lebaka leo le hlalošwago go ntlha ya 1 khirišo e a fela.
Tšwetšopele ya tokelo ya diteko nyakišišo ya peakanyo ya kgale
Go ya ka dinthla (a) le , tokelo efe goba efe ya peakanyo ya kgale ya diteko nyakišišo efe goba efe ye ebego e šoma lebaka la mengwaga ye mebedi go tloga ge Molao wo o thoma go šoma go ya ka mabaka le dikwano tša e dumeletšwego ka wona goba e filwego ka wona goba bjalo ka ge go be go tšewa gore o filwe;
Mong wa tokelo ya tshepedišo ya kgale ya go dira dinyakišišo o swanetše go nyhaka tokelo ya phetošo lebakeng leo le boletšwego ntlheng ya 1 kantorong ya Molaodi wa Selete yoo mabu ao a angwago a e welago mmogo le -
a dintlha tše di laetšwego tša mong b sethalwa plan sa seemo sa lefelo seo se bontšhago lefelo leo phetolelo e nyakegago, lefelo leo le ka se bego bogolo bja go feta lefelo leo go lona a swerego tokelo ya diteko nyakisišo;
c leina la minerale goba sehlopha sa diminerale seo go sona a nago le tokelo ya diteko nyakišišo;
d lefoko leo le hlalošago gore mong o dirile diteko nyakisišo mo lefelong leo le amanago le phetolelo pelenyana ga ge Molao wo o thoma go diragatšwa le go bea lebaka leo ka lona diteko nyakišišo tšeo di dirilwego ka lona;
e lefoko leo le hlalošago lebaka leo ka lona tokelo ya diteko nyakišišo e nyakegago ka lona e hlalošwa ke lenaneo la mošomo;
f tshedimošo ya gore naa tokelo ya peakanyo ya kgale ya diteko nyakišišo e akareditšwe ke ponto ya motekeitši mortgage bond efe goba efe goba tokelo ye nngwe yeo e ngwadišitšwego go Kantoro ya Dititi goba Kantoro ya Ngwadišo ya Dithaetlele tša Mebaene goba aowa;
g lefoko leo le hlalošago melawana le magora ao a amegago tokelo ya peakanyo ya kgale ya diteko nyakišišo;
h Titi ya thaetlele ya mathomo ya naga yeo tokelo ya peakanyo ya kgale ya diteko nyakišišo e amanago le yona, goba kgatišo yeo e netefaditšwego; le i tokelo ya peakanyo ya kgale ya mathomo goba kgatišo yeo e netefaditšwego.
Tona e swanetše go fetolela tokelo ya peakanyo ya kgale ya diteko nyakišišo ge mong wa tokelo ya peakanyo ya kgale ya diteko nyakišišo a -
a dumelelane le dinyakwa tša ntlha ya tlasana ya 2;
b o dirile ditiro tša dinyakišišo mabapi le tokelo ye e angwago;
c laetša gore o ikemišedidtše go tšwela pele go dira dinyakišo tšeo ge ditokelo tšeo di fetošwa;
d o na le lenaneo le le dumeletšwego la tshepedišo ya tikologo; le gore e o lefile tefelo ye e beilwego ya phetošo.
Ga go melawana le magora ao a šomago go tokelo ya peakanyo ya kgale ya diteko nyakišišo ao a tšwelago pele go šoma ge a le kgahlanong le dikgontšhi tša Molao wo goba Molaotheo.
Mong o swanetše go nyaka tokelo ye e fetošitšwego ka tlase ga ntlha ya tlasana ya lebakeng la matšatši a 90 go tloga letšatšing leo ka lona tokelo yeo e ilego ya fetošwa gore go phumolwe tokelo ya go dira dinyakišišo ya tshepedišo ya kgale ka Kantorong ya Dingwadišo tša Mangwalo a Bong goba ka Kantorong ya Mangwalo a Boepi, go ya le ka moo boemo bo ka bago ka gona, e lego seo se swanetšego go dirwa ka nako e tee le go ngwadišwa ga tokelo ye e fotošitšwego.
) Ge ponto ya motekeitši e ngwadišitšwe go ya ka Molao wa Ngwadišo ya Dititi, 1937 (Molao wa Nomoro ya 47 wa 1937), goba Molao wa Ngwadišo ya Dithaetlele tša Meepo, 1967 (Molao wa Nomoro ya 16 wa 1967, ka ga tokelo ya peakanyo ya kgale ya diteko nyakišišo, tokelo ya diteko nyakišišo yeo ka go yona o fetoletšwego e swanetše go ngwadišwa go ya ka Molao wo go ya ka ponto ya motekeitši ye nngwe le ye nngwe, mme mongwadiši yo a amegago o swanetše go dira netefatšo yeo e swanetšego go tokomane efe goba efe yeo e lebanego le go tsenya dintlha tšeo ka gare ga rejistara bjalo ka ge go ka hlokagala gore ntlha ye e šome ga botse, ntle le go lefela mešomo ya neelano, mešomo ya setempe, tšhelete ya ngwadišo goba ditefišo.
Ge tokelo ya peakanyo ya kgale ya diteko nyakišišo e fetoletšwe le ngwadišo ya tokelo ya tšweletšo yeo e fetoletšwego ka go yona e dirilwe, tokelo ya peakanyo ya kgale ya e a fedišwa.
Ge go se na kgopelo yeo e dirilwego pele ga go fela ga lebaka leo le hlalošwago go ntlha ya 1 tokelo ya peakanyo ya kgale ya diteko nyakišišo e a fela.
Tšwetšopele ya tokelo ya tshepedišo ya kgale ya go epa
Go ya ka ntlha ya tlasana ya le tokelo efe goba efe ya tshepedišo ya kgale ya go epa yeo e bego e šoma ge molao wo o thoma go dirišwa e tšwela pele go šoma lebaka le le sa fetego mengwaga ye mehlano go tloga ka letšatši leo Molao wo o thomilego go šoma ka lona go ya ka mabaka le dikwano tšeo ka tšona e filwego goba go bego go tšewa gore e filwe.
Mong wa tokelo ya tshepedišo ya kgale ya go epa, o swanetše go nyaka phetošo ya tokelo lebakeng leo le boletšwego ntlheng ya tlasana ya 1 ka Kantorong ya Molaodi wa Selete yoo mabu ao a angwago a lego Seleteng sa gagwe gammogo le –
a dintlha tše di laetšwego tša mong;
b polane ye e thadilwego goba seswantšhothalwa seo se laetšago tikologo yeo e nyakišišwago, e lego yeo phetošo e nyakelwago yona, e le tikologo yeo e ka se fetego tikologo yeo e nago le diltokelo tša kgale tša go epa;
c leina la seepšane goba sehlopha sa diepšane tšeo a nago le tokelo ya tshepedišo ya kgale ya go di epa;
d pego ye e netefatšago gore mong o dirile ditiro tša boepi mabung ao a angwago ke phetošo pejana ga ge Molao wo o thoma go šoma gomme e beye mabaka ao ka wona ditiro tšeo tša go fetola di bilego ka wona;
e pego ye hlalosago lebaka la nako leo tokelo yeo e nyakwago ka lona e lego leo le šitlelwago ke lenaneo la mošomo wa go epa;
f leano le le laetšwego la leago;
g tsheedimošo mabapi le ge e ka ba tokelo ya tshepedišo ya kgale ya go epa e šitišwa ke bonto ya mabu goba tokelo ye nngwe ye e ngwadišitšwego ka Kaontorong ya go Nwadišwa ga Mangwalo a Bong, goba Kantoro ya Mangwalo a Bong.
h Pego ye e hlalosago dikwano le mabaka ao a amago tokelo ya tshepedišo ya kgale ya go epa;
i lengwalo la botšo la bong bja mabu ao a angwago ke tokelo ya tshepedišo ya kgale ya go epa, goba khopi ya lona ye e netefaditšwego;
j tokelo ya botšong ya tshepedišo ya kgale ya, lenaneo le le amogetšwego la tshepedišo ya tikologo goba dikhophi tša tšona tše di netefaditšwego; le k kholofedišo le mokgwa wo ka wona mong a tla phethagatšago maikemišetšo ao a boletšwego karolong 2d ya Molao wo.
Tona e swanetše go fetoša tokelo ya tshepedišo ya gale ya go epa ge mong wa tokelo ya tshepedišo ya kgale –
a a sepelelana le dinyakwa tša tlha ya tlasana ya 2;
b a sepeditše mešomo ya go epa go ya ka tokelo ye e angwago;
c a laetša gore o na le maikemišetšo a go tšwela pele go sepediša mešomo yeo ya go epa ge a se na go hwetša phetošo ya tokelo yeo;
d a na le lenaneo le le amogetšwego la tshepedišo ya tikologo; e bile a e lefile ditefelo tše di laetšwego tša phetošo.
Ga go na kwano le lebaka tše di šslago tša la tshepedišo ya kgale ya go epa ge e le gore di ganetšana le le taelo efe goba efe ya Molaotheo le Molao wo.
Mong a swanetše go nyaka molao wo o fetošitšwego ka tlase ga ntlha ya tlasana ya lebakeng la matšatši a 90 go tloga ka letšatši leo tokelo yeo e fetošitšwego ka lona gore go phumolwe tshepedišo ya kgale ya tokelo ya go dira dinyakišišo ka Kantorong ya go Ngwadišwa ga Mangwalo a bong goba ka Kantorong ya Mangwalo a Boepi, go ya le ka moo seemo se ka bago ka gona, e lego seo se swanetšego go dirwa ka nako e tee le go ngwadišwa ga tokelo ya go fetošwa.
Ge ponto ya motekeitši e ngwadišitšwe go ya ka Molao wa Dingwadišwa tša Dithoto, 1937 (Molao wa Nomoro 47 wa 1937), goba Molao wa go Ngwadišwa ga Bong bja Meepo, 1967 (Molao wa Nomoro 16 wa 1967) go fediša tokelo ya tshepedišo ya kgale ya go epa, tokelo ya go epa yeo e fetošeditšwego go yona e swanetše go ngwadišwa go ya ka ponto yeo ya mabu, gomme rejistara ya maleba e swanetše go laetša seo sengwalong se sengwe le se sengwe sa maleba le ditsenywa tša mohuta woo ka direjistareng tša gagwe go ya le ka mo go ka hlokegago gore ntlhana ye e šome, ntle le go lefela motšhelo wa phetišetšo, motšhelo wa setempe, ditšhelete tša go rejistara goba ditefišo.
Ge tshepedišo ya kgale ya go epa e se na go fetošwa gomme go ngwadišwa tokelo ya go epa yeo e fetošeditšwego go yona, tokelo yatshepedišo ya kgale ya go epa e emiša go ba gona.
Ge mong a ka se dire gore tokelo ya tshepedišo ya kgale e feošwe pele ga go feta ga lebaka leo le beilwego ntlheng ya tlasana ya , tokelo ya tshepedišo ya kgale ya go epa e fediša go ba gona.
Tshepedišo ya ditokelo tša peakanyo ya kgale yeo e sa šomišwego
Tokelo efe goba efe ya peakanyo ya kgale yeo e bego e sa šomišwe nakong ya ge Molao wo o thoma go šomišwa e tšwela pele go šoma ka melawana le magora ao e filwego ka tlase ga wona, e hweditšwego goba e filwe goba e be e swanetše go ba e filwe, goba e be e swanetše go ba e dumeletšwe lebakeng leo le sa fetego ngwaga go tloga letšatšing leo Molao wo o thomilego go šoma.
Mong wa Tokelo ya peakanyo ya kgale ye e sa dirišwag o swanetše go dira kgopelo tokelo ya diteko nyakišišo goba tokelo ya go epa, bjalo ka ge go ka ba ka gona, go ya ka Molao wo, lebakeng leo le bolelwago go ntlha ya 1.
Tokelo ya peakanyo ya kgale yeo e sa šomišwego yeo e lego mabapi le kgopelo yeo e dirilwego nakong yeo e filwego go ntlha ya 1, e tla dula e šoma go filhela nako yeo ka yona tokelo ya diteko nyakišišo goba tokelo ya diminerale, ka mo go ka bago ka gona, e fiwa mme e šongwa go ya ka Molao wo goba e ganetšwa.
Go ya ka ntlha ya 2 le 3, tokelo ya peakanyo ya kgale yeo e sa šomišwego e fela ge lebaka leo le hlalošitšwego ka go karolwana ya 1 le fela.
Tšwetšopele ya peeletšo, tumelelo le ditokelo tše dingwe
Peeletšo efe goba efe goba tumelelo goba tokelo ya go šomiša bogodimo bja naga, yeo e filwego goba e hweditšwego goba e swanetše go ba e filwe goba e hweditšwe, goba yeo e tšwelago pele goba e šoma -
a go ya ka karolo ya 75 ya Molao wa Tšhipi ye Bohlokwa, 1908 Molao wa Nomoro ya 35 wa 1908, wa Transefala;
b go ya ka karolo ya 1262 ya Molao wa Maswika a Bohlokwa, 1964 Molao wa Nomoro ya 73 wa 1964;
c go ya ka karolo ya 90, 91, 92, 934 goba 7, 102, 103, 111, 113 goba 116 ya Molao wa Ditokelo tša go Epa, 1967 Molao wa Nomoro ya 20 wa 1967; goba d go ya ka karolo ya 127, 128 goba 129 yeo e balwago le karolo ya 130, Molao wa Ditokelo tša go Epa, 1967 Molao wa Nomoro ya 20 wa 1967; goba e ka lebaka la peeletšo ka tlase ga karolo ya 158 ya Molao wa Ditokelo tša go Epa, 1967 Molao wa Nomoro ya 20 wa 1967; bjalo ka ge go ka ba ka gona, mme e šoma pele ga go tsenywa tirišong ga Molao wo go ya ka karolo ya 48 ya Molao wa Diminerale, e tšwela pele go šoma go ya ka melawana le magora ao ka tlase ga wona e filwego goba e hweditšwego goba e tšerwe go ba e filwe goba e hweditšwe goba ka tlase ga yona e tšwelago pele go ba gona goba go šoma.
Mong, modiriši goba mohwetši wa peeletšo efe goba efe, tumelelo goba tokelo ya go diriša boalo bja naga bjo bo ukangwago ntlheng ya tlasana ya 1, o swanetše go ngwadiša peeletšo yeo, tumelelo goba tokelo ka Kantotong ya Mangwalo a Bong bja Meepo lebakeng la ngwaga go tloga ka letšatši leo Molao wo o thomilego go šoma ka lona.
Peeletšo efe goba efe goba tumelelo goba tokelo ya go šomiša bogodimo bja naga yeo e bolelwago go karolo ya 1, yeo e ka bego e emišitšwe, e neelanwe, e tlogetšwe, e arolelanwe, e filwe, e kgaogantšhitšwe, e fetotšwe goba e motekeitšilwe, ka moka goba seripa, pelenyana ga tiragatšo ga Molao wo e ka emišwa, neelanwa, tlogelwa, arolelanwa, fiwa, kgaogantšhwa, fetolwa goba ya motekeitšiwa, ka moka goba seripa, go ya ka Moalo wo, fela mong o swanetše go kgopela go Kantoro ya Ngwadišo ya Dithaetlele tša go Epa matšatšing a 90 a ngwadišo ya kemišo, neelano, tlogelo, karolelano, phiwo, kgaogantšho, phetošo goba motekeitši.
Mong wa naga yo a bolelwago go karolo ya 482a ya Molao wa Diminerale yo a bego a hwetša hlatswadiatla go ya ka karolo yeo pelenyana ga go tsenya tirišong ga Molao wo, o swanetše go tšwela pele go hwetša hlatswadiatla yeo.
a Mong wa peeletšo, tumelelo goba tokelo tšeo di bolelwago go karolwana ya 1 a ka tlogela peeletšo yeo, tumelelo goba tikelo, ka moka goba seripa, ka tsebišo ya go ngwalela Molaodi wa Selete yo a lego maleba.
b Peeletšo, tumelelo goba tokelo tšeo di bolelwago go temana ya a, goba seripa sa yona seo se tlogetšwego, se swanetše go tšewa bjalo ka ge e eme go tloga letšatšing la tsebišo.
Molaodikakaretšo a ka phumula peeletšo efe goba e fe, tumelelo goba tokelo ge mong wa yona e retelelwa ke go obamela melawana le magora a tokelo yeo, peeletšo goba tumelelo, lebakeng leo ka lona karolo ya 44 e tla šomago le diphetogo tšeo di lebanego.
Khirišo efe goba efe ya mašokotšo a Mmušo go moepo go ya ka karolo ya 74 ya Molao wa Maswika a Bohlokwa, 1964 Molao wa Nomoro ya 73 wa 1964; wo o dutšego o šoma go ya ka karolo ya 471aiii ya Molao wa Diminerale e tšwela pele go šoma go ya ka melawana le magora ao a lego ka gare ga tokomane yeo e filwego goba ya ngwalwa ka tlase goba ka gare go yona.
Porokerama ya lenaneo le le dumeletšwego la taolo ya tikologo
Porokerama efe goba efe yeo e dumeletšwego ya taolo ya tikologo go ya ka karolo ya 39 ya Molao wa Diminerale yeo e šomago pelenyana ga go tsenywa tirišong ga Molao wo le magato a fe goba a fe ao a tšerwego mabapi le tshekaseko ya tiragatšo yeo e amegago le mošomo wa go hlokomela wo o lego mabapi le seo o tšwela pele go šoma.
Ntlha 1 ga se thibele Tona go laela tokišo ya lenaneo la taolo ya tikologo go dira gore le sepelelane le dinyakwa tša Molao wo.
Motho ofe goba ofe yoo a lokolotšwego go ya ka karolo 392a ya Molao wa Diminerale pele ga ge Molao wo o thoma go šoma le yoo tokollo ya gagwe e sa dulego e šoma go ya ka Molao wo o swanetše go dira kgopelo ya tokollo go ya ka Molao wo lebakeng la ngwaga wo tee go tloga ka tšatši leo Molao wo o thomilego go šoma, go sego bjalo tokollo e tla fedišwa.
Ge mong wa tshepedišo ya kgale ya go dira dinyakišišo goba wa tokelo ya tshepedišo ya kgale ya go epa a emiša ka mešomo ya maleba ya go nyakišiša goba ya go epa, mong o swanetše go dira kgopelo ya setifikeiti sa go mo lokolla mošomong go ya ka karolo ya 40 ya Molao wo.
Karolo ya 35 e ama mong wa tshepedišo ya kgale ya tokelo yago dira dinyakišišo goba tshepedišo ya kgale ya tokelo ya go epa.
Mediro ye mengwe ya Molaodi: Tšwetšopele ya Diminerale yeo e swanetšego go dirwa ke Molaodi wa Selete goba Tona
Go fihla ge mohlankedi a beelwa selete go ya ka karolo 8 bjalo ka Molaodi wa Selete, mohlankedi yoo a beilwego bjalo ka Molaodi: Tšwetšopele ya Diminerale wa selete seo go ya ka karolo 4 ya Molao wa Diminerale o swanetše go -
a tšewa gore o beilwe ke Molaodi wa Selete; le b phetha modiro ofe goba ofe ka seleteng woo a o beetšwego woo Molaodi wa Selete a swanetšego go o phetha ka fase ga goba go ya ka Molao wo.
Dilete tše di ukangwago karolong ya 3 ya Molao wa Diminirale di dula di amega go fihla ge Tona e arola Repabliki, lewatle le boalo bja kontinente ka dilete go ya ka Karolo ya 7.
Mong ofe goba ofe yo a nyakago go lokollwa bjalo ka ge go ukangwa ntlheng ya tlasana ya 1 o swanetše go hwetša setifikeiti se se laetšwego sa tokollo go tšwa to Tona.
Ge a nyaka go lefelwa phumolameokgo ka lebaka la thoto efe goba efe ye e tšerwego, moseki o swanetše go –
a laetša kelo le mokgwa wa tahlegelo le tshenyo yeo e mo diragaletšego;
b laetša tirišo ya bjale ya thoto;
c a tšweletše bohlatse bja gore ke mong wa thoto;
d a fane ka histori ya go hwetšwa ga thoto ye e angwago;
e a hlalose sebopego sa thoto yeo ka botlalo;
f a laetše boleng bja mmaraka bja thoto yeo le gore boleng bjo bo beilwe bjang; le g bogolo bja thušo efe goba efe ya Mmušo le dikholego tše di hweditšwego mabapi le thoto yeo.
Ge go kgonthišwa phumolameokgo ye e lokilego le gona e le ye e lekalekanego, dikhuetši ka moka tše di lego maleba di swanetše go elwa hloko, go akaretšwa, godimo ga karolo 252b le 253 ya Molaotheo –
a boikarabelo bja Mmušo bja go lokiša dipoelo tša kgethollo ya semorafe tša mabakeng a go feta kabong le phihlelelong ya mehlodi ya diminerale le petroleamo;
b boikarabelo bja Mmušo bja go tliša diphetogo go tšweletša phihlelelo ye e lekalekanago go mehlodi ka moka ya tlhago;
c dikgonagatšo tša karolo 258 tša Molaotheo; le d ge e ka ba motho yo a angwago o tla tšwela pele go holega ka tirišo ya thoto ye e angwago goba aowa.
Kleime ye nngwe le ye nngwe ya phumolameokgo e swanetše go išwa go Molaodikakaretšo lebakeng la mengwaga ye mehlano go tloga letšatšing la go thoma ga Molao wo.
TAFOLA 1 (Tshepedišo ya kgale ya go dira dinyakišišo)
Ditokelo tša molao wa tlwaelo gammogo le phemiti ya go dira dinyakišišo, yeo e hweditšwego mabapi le seo go ya ka karolo 6 ya Molao wa Diminerale.
Tumelelo ya go dira dinyakišišo go ya ka karolo 6 (b) goba 6 ya Molao wa Diminerale, tokelo ya molao wa tlwaelo ya diminerale e gomareditšwe go yona, gammogo le phemiti ya go dira dinyakišišo yeo e hweditšwego mabapi le se go ya ka karolo 6 ya Molao wa Diminerale.
Khiro ya go dira dinyakišišo, phemiti ya go dira dinyakišišo, laesense ya go dira dinyakišišo goba tumelelo ya go dira dinyakišišo yeo e boletšwego karolong 44 ya Molao wa Diminerale, molao wa tlwaelo wa ditokelo tša diminerale o gomareditšwe go yona le phemiti ya go dira dinyakišišo ye e hweditšwego go ya ka karolo 6 ya Molao wa Diminerale.
Tumelelo efe goba efe ya go epa go ya ka karolo 16 ya Molao wa Taolo ya Naga wa Bophuthatswana, 1979 (Molao wa Nomoro ya 39 wa 1979), karolo 16 ya Molao wa Taolo ya Naga wa Venda, 1986 (Molao wa Nomoro ya 6 wa 1986), karolo 15 ya Molao wa Trasete ya Diminerale wa Lebowa, 1987 (Molao wa Nomoro ya 9 wa 1987), karolo 51 ya Molao wa Mafelo a Metsemagaeng (Ntlo ya Baemedi), 1987 (Molao wa Nomoro ya 9 wa 1987), goba karolo 6 ya Molao wa Phetolo Mafelo a Mangwe a Magaeng, 1998 (Molao wa Nomoro ya 94 wa 1998), le ditokelo tša diminerale tša molao wa setlwaedi tšeo di kgomantšwego le tšona le tumelelo ya go epa go ya ka Molao wa Diminerale.
TAFOLA 2 (Tshepedišo ya kgale ya ditokelo tša go epa)
Ditokelo tša diminerale tša molao wa tlwaelo mmogo le maatlafatšo ye e hweditšwego mabapi le seo go ya ka karolo 9 ya Molao wa Diminerale.
Tumelelo ya go epa yeo e filwego go ya ka karolo 9 (b) goba 9 ya Molao wa Diminerale le molao wa tlwaelo wa diminerale wo o gomareditšwego go yona, gammogo le maatlafatšo ya go epayeo e ntšhitšwego mabapi le se go ya ka karolo 9 ya Molao wa Diminerale.
Tumelelo ya go epa goba ya go šoma moepo goba laesense ya go kleima yeo e boletšwego karolong ya 47 ya Molao wa Diminerale le molao wa tlwaelo wa ditokelo tša diminerale wo o gomareditšwego go yona le maatlafatšo ya go epa ye e hweditšwego mabapi le se go ya ka karolo 9 ya Molao wa Diminerale.
Tokelo ya go epa goba go šoma moepo ye e boletšwego karolong ya 47 ya Molao wa Diminerale le molao wa tlwaelo wo o gomareditšwego go yona gammogo le maatlafatšo ya go epa ye e hweditšwego mabapi le se ka lebaka la karolo 9 ya Molao wa Diminerale.
Tumelelo efe goba efe ya go epa go ya ka karolo 16 ya Molao wa Taolo ya Naga wa Bophuthatswana, 1979 (Molao wa Nomoro ya 39 wa 1979), karolo 16 ya Molao wa Taolo ya Naga wa Venda, 1986 (Molao wa Nomoro ya 6 wa 1986), karolo 15 ya Molao wa Trasete ya Diminerale wa Lebowa, 1987 (Molao wa Nomoro ya 9 wa 1987), karolo 51 ya Molao wa Mafelo a Metsemagaeng (Ntlo ya Baemedi), 1987 (Molao wa Nomoro ya 9 wa 1987), goba karolo 6 ya Molao wa Phetolo Mafelo a Mangwe a Magaeng, 1998 (Molao wa Nomoro ya 94 wa 1998), le ditokelo tša diminerale tša molao wa setlwaedi tšeo di kgomantšwego le tšona le tumelelo ya go epa go ya ka Molao wa Diminerale.
TAFOLA 3 (Ditokelo tša tshepedišo ya kgale tše di sa dirišwago)
Tokelo ya diminerale ka fase ga molao wa tlwaelo ntle le tumelelo ya go nyaka diepšane goba tumelelo ya go epa yeo e filwego go ya ka Molao wa Diminerale.
Tokelo ya Diminerale ka fase ga molao wa twaelo le phemiti ya go nyaka diepšane goba tumelelo ya go epa yeo e filwego go ya ka Molao wa Diminerale .
Tumelelo ya go nyaka diepšane go ya ka karolo 6 (a) goba 6 ya Molao wa Diminerale le tokelo ya diminerale ya molao wa tlwaelo yeo e kgomantswego le tsona mmogo le phemiti ya go nyaka diepšane yeo e filwego go ya ka karolo 6 ya Molao woo o boletšwego.
Tumelelo ya go epa go ya ka karolo 6 (a) goba 6 ya Molao wa Diminerale le ditokelo tša go epa tša molao wa setlwaedi tseo di kgomantšwego le tšona ntle le phemiti ya go nyaka diepšane yeo e filwego go ya ka karolo 6 ya Molao woo o boletšwego.
Khiro ya go dira dinyakišišo, phemiti ya go dira dinyakišišo, laesense ya go dira dinyakišišo ye e boletšwego karolong ya 44 ya Molao wa Diminerale le molao wa tlwaelo wa tokelo ya diminerale wo o gomareditšwego woo go ya ka wona phemiti ya go dira dinyakišišo e filwego go ya ka karolo 6 ya Molao wo o boletšwego.
Khiro ya go dira dinyakišišo, phemiti ya go dira dinyakišišo, laesense ya go dira dinyakišišo goba tumelelo ya go dira dinyakišišo ye e boletšwego go karolo 44 ya Molao wa Diminerale le molao wa tlwaelo wa ditokelo tša diminerale wo o gomareditšwego woo ka wona go sa kago gwa ntšhwa phemiti ya go dira dinyakišišo go ya ka karolo 6 ya Molao wa Diminerale.
Tumelelo ya go epa yeo e filwego go ya ka karolo 9 (a) goba 9 ya Molao wa Diminerale le tokelo ya Diminerale ya molao wa setlwaedi yeo e kgomantšwego le tšona woo go ya ka wona maatlafatšo ya go epa yeo e filwego go ya ka karolo 9 ya Molao wa Diminerale.
Tokelo ya go epa yeo e filwego go ya ka karolo 9 (b) goba 9 le molao wa tlwaelo wo o gomareditšwego go yona woo go ya ka wona go sa kago gwa fiwa maatlafatšo ya go epa go ya ka karolo 9 ya Molao wa Diminerale.
Tumelelo ya goepa yeo e filwego go ya ka karolo 9 (a) goba 9 ya Molao wa Diminerale le molao wa tlwaelo wo o gomareditšwego go yona ntle le maatlafatšo ya go epa yeo e filwego go ya ka karolo 9 ya Molao wa Diminerale
Tokelo ya go epa goba go šoma moepo ye e boletšwego karolong ya 47 ya Molao wa Diminerale le molao wa tlwaelo wo o gomareditšwego go yona gammogo le maatlafatšo ya go epa ye e hweditšwego mabapi le se ka lebaka la karolo 47 (e) ya Molao wa Diminerale le go ya ka karolo 9 ya Molao wa Diminerale.
Tumelelo efe goba efe ya go dira dinyakišišo goba go epa go ya ka karolo 16 ya Molao wa Bophuthatswana wa Taolo ya Naga, 1979 (Molao wa Nomoro ya 39 wa 1979) Karolo 16 ya Molao wa Venda wa Taolo ya Naga , 1986 (Molao wa Nomoro ya 6 wa 1986), karolo 15 ya Molao wa Lebowa wa Traste ya Diminerale, 1987 (Molao wa Nomoro ya 9 wa 1987), karolo ya 51 ya Molao wa Dinaga tša Magaeng (Ngweako wa Baemedi), 1987 (Molao wa Nomoro ya 9 wa 1987), goba karolo 6 ya Molao wa Diphetošo tša Mafelo a Mangwe, 1998 (Molao wa Nomoro ya 94 wa 1998), le molao wa tlwaelo wa ditokelo tša go epa wo o gomarediwego le phemiti ya go dira dinyakišišo goba phemiti ya go epa ye e filwego go ya ka Molao wa Diminerale.
